Samsung октябрь ойида Россия смартфонлар бозорининг 34,5 фоиз улушига эга бўлди ва сотувлар бўйича биринчи ўринга чиқди. Бу ҳақда «Коммерсантъ» МТС маълумотларига таяниб ёзмоқда.

Қайд этилишича, Samsung Xiaomi ва унинг Poco суббрендини (28,1 фоиз) ортда қолдирган. Октябрь ойида Samsung’нинг улуши 33 фоизни, Xiaomi’ники эса 22 фоизни ташкил этган. Смартфонлар сотуви бўйича учинчи ўринни Apple (14,7 фоиз) эгаллаган. Хитойнинг Realme бренди тўртинчи ўринда қайд этилган (7,4 фоиз).

«Samsung барқарор таъминот ва нарх сиёсати сабаб бозорда ўзининг биринчи ўрнини тиклай олди», — дейди Mobile Research Group таҳлилчиси Элдар Муртазин.

Мутахассиснинг фикрича, компания йил охиригача ушбу позицияларни сақлаб қолиши мумкин. Муртазиннинг сўзларига кўра, йил охиригача қурилмалар етишмаслиги шароитида нархлар янада кўтарилади.

Аввалроқ Samsung суднинг Россияда 61 та смартфон моделини сотиш тақиқига қарши апелляция бергани маълум қилинганди.