Google’га эгалик қилувчи Alphabet Inc холдинги ўзининг чат-бот хизматини ҳамда дастурчилар учун қидирув тизимида кўпроқ сунъий интеллектни ишга туширишини маълум қилди. Шу билан бирга, Microsoft ўзининг сунъий интеллект тақдимотини режалаштирмоқда, дея хабар берди Reuters.

Қайд этилишича, истеъмолчиларнинг маълумот қидириш усулларини ўзгартириши мумкин бўлган Microsoft томонидан қўллаб-қувватланадиган OpenAI чат-ботининг пайдо бўлиши сўнгги пайтларда Google учун энг катта муаммолардан бири бўлди.

Alphabet бош директори Сундар Пичаининг айтишича, унинг компанияси фойдаланувчиларнинг фикр-мулоҳазаларини синаб кўриш учун Bard сунъий интеллектли суҳбат хизматини ишга туширади ва бу келгуси ҳафталарда оммага эълон қилинади.

Унинг сўзларига кўра, Google ўзининг қидирув тизимига мураккаб сўровлар учун материалларни синтез қилувчи, мисол учун, гитара ёки пианино чалишни ўрганишни осонлаштирадиган сунъий интеллект функцияларини қўшишни режалаштирмоқда.

Google’нинг қидирув янгиланиши компания ўз хизматини қандай яхшилаётганини акс эттиради, шунингдек, Microsoft ҳам Bing учун худди шундай қилмоқда. Microsoft корпорацияси ўзининг барча маҳсулотларида сунъий интеллектдан фойдаланишни режалаштираётганини маълум қилди.

Bard хизмати ўзининг демо версиясида рақобатчиси чат-боти каби фойдаланувчиларни унга сўров юборишга таклиф қилади ва унинг жавоби ноўрин ёки нотўғри бўлиши мумкинлигидан огоҳлантиради.

Шунингдек, Google кўпроқ фойдаланувчиларга хизмат кўрсатиш ва уларнинг фикр-мулоҳазалари асосида яхшиланиши учун камроқ ишлов бериш қувватини талаб қилувчи LaMDA версиясига таянади.

ChatGPT ақлбовар қилмас даражада ўсиш туфайли вақти-вақти билан фойдаланувчиларни камайтирди. Sensor Tower маълумотларига кўра, TikTok ишга туширилгандан сўнг 100 миллион фойдаланувчини қамраб олиши учун тахминан тўққиз ой керак бўлди, Instagram’га эса — 2,5 йил.

Google, шунингдек, аввалига LaMDA асосидаги, кейинроқ эса бошқа сунъий интеллектга асосланган ижодий соҳалар ва бизнесларга асосланган технологик воситаларни тақдим этишни режалаштирмоқда.