Илон Маск Twitter директорлар кенгашига киришдан бош тортди
Апрель ойи бошида Twitter Маск компания директорлар кенгашига қўшилиши ҳақида эълон қилган эди.
Илон Маск Twitter директорлар кенгашига киришдан бош тортди. Бу ҳақда ижтимоий тармоқ бош директори Параг Агравал маълум қилди.
Унинг сўзларига кўра, Маск Twitter’нинг энг йирик акциядори бўлиб қолади ва компания ҳали ҳам унинг таклифларига очиқ.
«Биз олдинга силжишнинг энг яхши йўли Илонни компаниянинг ишончли вакили сифатида қабул қилиш эканини ҳис қилдик, у ерда Маск директорлар кенгашининг барча аъзолари каби компания ва барча акциядорларимиз манфаатларидан келиб чиқиб ҳаракат қилади», — дея тушунтирди Агравал.
Апрель ойи бошида Twitter Маск компания директорлар кенгашига қўшилиши ҳақида эълон қилган эди. Бу 9 апрель куни содир бўлиши керак эди, бироқ ўша куни эрталаб Маск кенгашга киришдан бош тортди.
Маълумот учун, 2022 йил март ойида Маск Twitter’нинг 9,2 фоизини сотиб олди. 1 апрелдаги биржадаги акциялар қийматидан келиб чиққан ҳолда пакет қиймати 2,8 миллиард доллардан ошади.
Сўнгги 24 соат ичида Маск ўзининг Twitter’ида иккита янги сўровнома жойлаштирди.
Биринчисида у компаниянинг Сан-Францискоdaги бош қароргоҳини уйсизлар бошпанасига айлантириш керакми, деб сўради, чунки барибир офисга «ҳеч ким бормайди».
Иккинчисида у Twitter’ни Titter қилиш учун компания номидан W ҳарфини олиб ташлашни таклиф қилди.