ШҲТ давлатлари ўртасида туризм соҳасидаги ҳамкорликни ривожлантириш тўғрисида битим имзоланди

17:19 | 20.9.22

Сенат «Электрон тижорат тўғрисида»ги қонунни маъқуллади

16:30 | 13.9.22

Ўзбекистонда крипто-дўкон фаолияти қандай амалга оширилади?

15:04 | 13.9.22

Twitter акциядорлари компанияни Маск сотиб олишига рози — ОАВ

13:50 | 13.9.22

Тошкент халқаро аэропортида расмий такси хизмати иш бошлади

11:51 | 13.9.22

Ҳудудлар қишлоқ хўжалигида техник самарадорлик қай даражада?

9:13 | 13.9.22

Хитой Ойга 3 та миссия юборади

17:39 | 12.9.22

Ўзбекистонда жойлашган чет давлатлар капитали иштирокидаги корхоналар сони маълум қилинди

16:46 | 12.9.22

SpaceX 34 та Starlink сунъий йўлдошини фазога учирди

15:32 | 12.9.22

Деҳқончилик учун ерлар аҳолига 30 йилга ижарага берилади

13:46 | 12.9.22

Қимматли қоғозлар бозори тўғрисидаги ҳужжатларга ўзгартириш ва қўшимчалар киритилди

10:14 | 12.9.22

Fitch Ўзбекистоннинг реал иқтисодий ўсиш суръати кутилмасини оширди

9:11 | 12.9.22

Финляндия Ўзбекистондаги лойиҳа учун 1,5 млн евро ажратди

17:15 | 11.9.22

Ўзбекистоннинг суверен кредит рейтинги ва кутилмаси қандай ҳолларда пасайтирилиши мумкин?

13:28 | 11.9.22

Ўзбекистоннинг асосий савдо-ҳамкор давлатларида инфляция августда қай даражада бўлди?

10:35 | 11.9.22

Fitch Ratings Ўзбекистоннинг суверен кредит рейтинги баҳосини барқарор даражада тасдиқлади

9:02 | 11.9.22

Таҳлил: ҳудудлар ишбилармонлик фаоллигининг август ойидаги кўрсаткичлари

15:03 | 10.9.22

Уй сотиб олиш ва уйга рўйхатга қўйиш тартиби осонлашади

13:30 | 10.9.22

Маскдан Безосга маслаҳат, Тошкентнинг муаммоларини санаган Ортиқхўжаев ва яна бир ҳокимликка берилган совға — кунлик дайжест

Kommers.uz куннинг энг сара янгиликларини битта дайжестга тўплади.

Маскдан Безосга маслаҳат, Тошкентнинг муаммоларини санаган Ортиқхўжаев ва яна бир ҳокимликка берилган совға — кунлик дайжест
Фото: Kommers.uz

Яқин соатларда 2021 йилнинг 16 декабрь санаси ҳам поёнига етади. Якунланаётган кун Ўзбекистон ва жаҳон ахборот майдонида қайноқ янгиликларга бой бўлди. Kommers.uz уларнинг энг сараларини битта дайжестга тўплади.

Маскдан Безосга маслаҳат

SpaceX асосчиси Илон Маскнинг фикрича, унинг миллиардер рақиби Жефф Безос ўзининг Blue Origin компаниясига кўпроқ вақт сарфлаши керак.

«Қайсидир маънода, мен уни (Безос назарда тутилган — таҳр.) Blue Origin’га кўпроқ вақт сарфлашга кўндиришга ҳаракат қиляпман, шунда улар кўпроқ муваффақиятга эриша олади. Бир дўстим айтганидек, [Безос] Blue Origin’да кўпроқ ва жакузида камроқ вақт ўтказиши керак», — дейди Маск.

Маскнинг сўзларига кўра, Amazon асосчиси муҳандислик соҳасида «етарли даражада яхши», лекин муҳандисликнинг майда тафсилотларини ўрганиш учун ақлий кучини беҳуда сарфлашни истамайди.

CNBC маълумотларига кўра, яқин вақтгача Жефф Безос ҳафтада бир кун — чоршанбани Blue Origin’да ўтказар эди, аммо сентябрда у бу вақтни икки кунга кўпайтиришга қарор қилган ва энди компания ишлари билан чоршанба ва сешанба кунлари шуғулланмоқда.

Маск, ўз навбатида, Tesla ва SpaceX ўртасида ўз вақтини тенг тақсимлашга ҳаракат қилаётганини, бироқ вақти-вақти билан вазият ўзгариб туришини айтган. Миллиардер, шунингдек, баъзида ҳафтасига 120 соат ишлашини таъкидлаган. Шу билан бирга у бундай режим одамни ақлдан оздириши мумкинлигини тан олган. Маск Financial Times’га берган интервьюсида энди дам олиш кунисиз ҳафтасига 80-90 соат ишлаётганини маълум қилган.

Маълумот ўрнида, Маск ва Безос ўртасидаги космик пойга бир неча йиллардан бери давом этмоқда. Ҳозиргача Маскнинг қўли баланд келяпти. Унинг компанияси, аллақачон, Ой ва Марсга парвозлар учун ракетани синовдан ўтказмоқда, шунингдек, мунтазам равишда NASA билан шартномалар тузмоқда.

Тошкентнинг муаммоларини санаган Ортиқхўжаев

Олий Мажлис Сенатининг йигирма иккинчи ялпи мажлисда Тошкент шаҳар ҳокимининг ҳудудларни ривожлантириш ҳақидаги ҳисоботи эшитилди. Мажлисда айрим муаммолар ҳамда йўл қўйилган камчиликлар мавжудлиги ҳам қайд этилди.

Маълум қилинишича, давлат ва жамоат эҳтиёжлари учун ер участкалари олиб қўйилиши муносабати билан етказилган зарарларни қоплаш бўйича 2020 йил ва 2021 йилнинг ўтган даври давомида 30 нафар мулкдорга компенсация маблағи тўлаб берилмаган.

Шунингдек, жамоат транспортининг ўзаро боғлиқлигини таъминлаш, айниқса, аҳоли гавжум нуқталарда йўловчиларнинг бир транспортдан иккинчи транспортга қисқа вақтда хавфсиз ўтиш имкониятини яратиш мақсадида қўшимча равишда транспорт-ўтиш боғламаларини ташкил этиш зарурати мавжуд.

Қайд этилишича, «Тошшаҳартрансхизмат» акциядорлик жамиятига қарашли корхоналар тасарруфидаги автобусларнинг 16,6 фоизи (196 таси) техник носозлиги боис ҳаракат мунтазамлиги таъминланмаяпти, йўловчиларнинг автобусларни кутиб туриш вақти айрим йўналишларда 25-40 дақиқани ташкил қилмоқда.

Тошкент шаҳрида оқова сувларни қабул қилиш бўйича мавжуд Салар, Бўзсув ва Бектемир иншоотларида сув тозалаш самарадорлиги лойиҳа бўйича 75 фоизни ташкил этади, бироқ бугунги кунда ушбу иншоотлар 35,5–51,3 фоиз қувват билан ишламоқда.

Шаҳарда қурилиш объектларининг кескин кўпайиши оқибатида ҳосил бўлаётган чангларни сув сепиб бостириш чоралари етарлича кўрилмаётганлиги атмосфера ҳавосига чангларнинг меъёрдан ортиқ чиқарилишига олиб келмоқда.

Яна бир ҳокимликка берилган совға

Бухоро вилоятининг Когон шаҳрида фуқаро савдо дўконини ҳокимликка «беғараз» топшириш тўғрисида ариза ёзди. Шаҳар ҳокими Ҳаёт Давлатовнинг савдо-дўкони биносини ҳокимлик балансига қабул қилиш тўғрисидаги қарори қабул қилинди.

Унга кўра, Фуқаро Х.Рашидованинг 6 декабрь куни ўзига шахсий мулк сифатида тегишли бўлган Когон шаҳар бош бекати ҳудудидаги савдо дўкони Когон шаҳар ҳокимлигига беғараз топшириши тўғрисидаги ёзган аризаси маълумот ва ижро учун қабул қилинди.

Қайд этилишича, қарор «Уй-жой» кодексининг 12-моддаси ҳамда «Маҳаллий давлат ҳокимияти тўғрисидаги» қонун 6-моддаси талабига асосан қабул қилинган.

Шаҳар ҳокими ўринбосари А.Аминов, шаҳар ҳокимлиги бош ҳисобчиси Г.Нишонова, «Когон уй-жойлар ва нотурар жойлардан фойдаланиш ва ҳисобга олиш» давлат унитар корхонаси раҳбари Ж.Ишанқуловга Когон шаҳар бош бекат ҳудудидаги хажми 60 метр квадрат бўлган савдо дўконни нотариал идораси билан биргаликда қабул қилиш топширилган.

Аввалроқ фуқаро Зиёда Латипова ўзига тегишли Mercedes-Benz S500 Hybrid русумли автомобилни Тошкент шаҳар ҳокимлигига беғараз топширганди.

Покистон ва Ўзбекистон ўртасидаги мунтазам авиақатнов

Покистоннинг PIA авиакомпанияси Ўзбекистонга мунтазам авиақатновларни йўлга қўяди. Ушбу масала Ўзбекистон Транспорт вазирлигида Покистоннинг Ўзбекистондаги элчихонаси вакиллари ҳамда PIA авиакомпанияси раҳбарияти иштирокида ўтказилган учрашувда муҳокама этилди.

Қайд этилишича, учрашув давомида ҳар икки томон вакиллари мамлакатлар ўртасида фуқаро авиацияси соҳасидаги ҳамкорлик алоқаларининг ривожланиши Ўзбекистон ва Покистон манфаатларига бирдек мос келишини таъкидлаган.

Музокаралар давомида Транспорт вазирлигининг ҳаво транспортини ривожлантириш департаменти раҳбари Дониёр Жумаев хорижий авиакомпанияларни Ўзбекистон авиация бозорига жалб этиш, ушбу бозорнинг барча иштирокчилари учун қулай шароитларни яратиш бўйича кўрилаётган чоралар ҳақида батафсил маълумот берган.

Хусусан, 2021 йилнинг ўзида аэропорт хизматлари учун йиғимлар 42 фоизгача туширилган. Шунингдек, зиёрат туризми йўналишида бажариладиган парвозларга 50 фоизгача чегирмалар берилиши айтиб ўтилган.

Хабарга кўра, PIA авиакомпаниясининг Ўзбекистондаги вакили Муҳаммад Ваққос Исломобод–Тошкент ва Карачи–Тошкент йўналишида мунтазам авиақатновларни йўлга қўйиш бўйича режалари билан ўртоқлашган. Авиакомпания ушбу йўналишларда парвозларни 2022 йил январь ойидан йўлга қўйиш ниятида.

Учрашув якунида томонлар белгиланган йўналишларда мунтазам парвозларни йўлга қўйиш юзасидан ҳамкорликда ишларни давом эттиришга келишиб олган.

Илон Маскнинг Марсни тадқиқ қилиш режаси

SpaceX асосчиси Илон Маск Time журналига берган интервьюсида Марсга учиш бўйича ўзининг йирик лойиҳасини амалга ошириш муддати ҳақида сўзлаб берди.

Миллиардер инсоният яқин беш йил ичида Марсга қўнмаса, жуда ҳайрон қолишини айтган.

«Кейинги ҳақиқатан ҳам муҳим нарса — Марсда ўзини ўзи таъминлайдиган шаҳар қуриш ва у ерга Ердан тирик мавжудотларни олиб бориш», — дейди Маск.

Февраль ойида космик сиёсат бўйича эксперт ва Аризона штати университети профессори Грег Автри Business Insider нашрига берган интервьюсида Маск NASA ёрдами билан ҳам камида 2029 йилгача Марсга етиб бормаслигини айтган.

Бошқа экспертлар SpaceX раҳбари охир-оқибат Марсни мустамлака қила олишига тўлиқ ишонишини таъкидлаган. Маскнинг ўзи эса Xprize нотижорат ташкилотига берган интервьюсида баъзи астронавтлар Марсни забт этиш йўлида ҳалок бўлиши мумкинлигини айтган. Маск, шунингдек, Марсни тадқиқ қилишдан пул ишлаб олишга ҳаракат қилмаётганини таъкидлаган.

SpaceX ҳозирда тахминан 100 миллиард долларга баҳоланмоқда ва NASA билан биргаликда Ер сайёрасини астероидлардан ҳимоя қилиш тизими устида ишламоқда. Бунинг учун SpaceX коинотга ҳақиқий астероид билан тўқнашадиган ракетани учирган. Миссия DART деб номланган ва бу учун тахминан 330 миллион доллар харажат қилинган.

SpaceX шунингдек, америкалик астронавтларни Ойга етказиш бўйича NASA’нинг эксклюзив шартномасини қўлга киритган. Шартнома суммаси тахминан 100 миллион долларни ташкил қилади.

Россиядан Ўзбекистонга юборилган миллиард доллар

2021 йилнинг июль-сентябрь ойларида Россиядан Мустақил Давлатлар Ҳамдўстлиги (МДҲ) мамлакатларига тўлов тизимлари орқали амалга оширилган трансчегаравий ўтказмалар 2,29 миллиард долларга етди.

Маълум бўлишича, ушбу давр мобайнида энг кўп Ўзбекистонга 1,01 миллиард доллар (34,9 фоиз ўсиш), Тожикистонга 0,53 миллиард доллар (25,5 фоиз ўсиш) ва Қирғизистонга 0,43 миллиард доллар (21,7 фоиз ўсиш) ўтказилган.

Қайд этилишича, 2021 йилнинг учинчи чорагида Россия Федерациясидан МДҲ мамлакатларига жисмоний шахсларнинг тўлов тизимлари орқали валюта ўтказмалари 6 йиллик рекорд — 2015 йилнинг иккинчи чорагидаги 2,31 миллиард долларлик кўрсаткични янгилаган. Бунда Ўзбекистон, Тожикистон ва Қирғизистон мамлакатлари етакчи бўлиб, ушбу давлатларга пул ўтказмалари иккинчи чоракка нисбатан 22 фоиздан 35 фоизга кўтарилган.

Мутахассисларнинг фикрича, пул ўтказмалари миқдорининг ўсишига меҳнат мигрантлари оқими, хусусан, Ўзбекистон ва Тожикистондан ишчи кучини уюшган тарзда олиб келиш сабаб бўлган.

Америкалик блогер учун ягона нусхадаги Audi электромобили

Германиянинг Audi компанияси америкалик пойгачи ва шоумен Кен Блок учун S1 e-tron quattro Hoonitron пойга электромобилини ишлаб чиқарди.

Маълум бўлишича, битта нусхада ишлаб чиқарилган модель Audi Sport заводи бўлими мутахассислари томонидан тайёрланган. Моделнинг техник тавсифлари ошкор этилмаган, аммо маълумки, машина иккита электромотор ва углерод толали монококка эга.

Фото: Audi

Audi S1 e-tron quattro Hoonitron устида бренд бош дизайнери Марк Лихт бошчилигидаги дизайн жамоаси ишлаган. Замонавий электромобиль ўтган асрнинг 80-йилларидаги Audi Sport quattro S1 пойга машинасини эслатиб юбориши айтилмоқда.

Фото: Audi

Янги электромобиль 2022 йилда дебют қилади. Кен Блок Audi S1 e-tron quattro Hoonitron пойга машинасини миниб, Elektrikhana видеоси доирасида турли ҳаракатларни амалга оширади.

Фото: Audi

Олдиндаги кун омадли келсин. Kommers.uz энг қайноқ янгиликларни ишончли тарзда етказишда давом этади.

ШҲТ давлатлари ўртасида туризм соҳасидаги ҳамкорликни ривожлантириш тўғрисида битим имзоланди
Янгиликлар 17:19 | 20.9.22
ШҲТ давлатлари ўртасида туризм соҳасидаги ҳамкорликни ривожлантириш тўғрисида битим имзоланди
Сенат «Электрон тижорат тўғрисида»ги қонунни маъқуллади
Технология 16:30 | 13.9.22
Сенат «Электрон тижорат тўғрисида»ги қонунни маъқуллади
Ўзбекистонда крипто-дўкон фаолияти қандай амалга оширилади?
Бизнес 15:04 | 13.9.22
Ўзбекистонда крипто-дўкон фаолияти қандай амалга оширилади?
Twitter акциядорлари компанияни Маск сотиб олишига рози — ОАВ
Миллиардерлар 13:50 | 13.9.22
Twitter акциядорлари компанияни Маск сотиб олишига рози — ОАВ
Тошкент халқаро аэропортида расмий такси хизмати иш бошлади
Янгиликлар 11:51 | 13.9.22
Тошкент халқаро аэропортида расмий такси хизмати иш бошлади
Ҳудудлар қишлоқ хўжалигида техник самарадорлик қай даражада?
Бизнес, Таҳлил 9:13 | 13.9.22
Ҳудудлар қишлоқ хўжалигида техник самарадорлик қай даражада?