Тошкентдан Андижонга қўшимча поездлар қатнови йўлга қўйилади
Янги йил байрами муносабати билан йўловчиларни ташишни ташкил қилиш мақсадида Тошкент — Андижон — Тошкент йўналишида қўшимча поезд қатнови йўлга қўйилади. «Ўзтемирйўлйўловчи» қатнов жадвалини эълон қилди
«Ўзтемирйўлйўловчи» матбуот хизмати Тошкент ва Андижон ўртасида қўшимча поезд қатновлари йўлга қўйилишини маълум қилди.
Янги йил байрами муносабати билан йўловчиларни ташишни ташкил қилиш мақсадида «Тошкент — Андижон — Тошкент» йўналишида 2022 йилнинг 15-22-29 декабрь кунлари ва 2023 йилнинг 5-12-19-26 январь кунлари қўшимча қатновлар йўлга қўйилди ва қуйидаги жадвал асосида ҳаракатланади:
60-сонли «Тошкент — Андижон» йўналиши:
Тошкент 07:55 — Андижон 13:46
59-сонли «Андижон — Тошкент» йўналиши:
Андижон 16:00 — Тошкент 21:45.
Аввалроқ Урганчга қўшимча поездлар қатнови йўлга қўйилгани ҳақида хабар берилганди. Шунингдек, Термизга ҳам қўшимча поездлар қатнови қўйилгани ҳақида айтилганди.
