«Яндекс» акциядорларини дефолт хавфидан огоҳлантирди. Бу ҳақда компания сайтидаги хабарда маълум қилинди.

«Яндекс» акциядорларини Украинада «махсус операция» бошланганидан кейин жорий қилинган чекловлар оқибатлари ҳақидан хабардор қилди.

«‘Яндекс’ гуруҳида умуман ноталарни тўлиқ қайтариш учун зарур бўлган ресурслар йўқ. Агар компания акциядорлари қўшимча маблағларсиз катта миқдордаги акцияларни сотиб олиш ҳуқуқидан фойдаланса, бу бизнинг қисқа муддатли молиявий ҳолатимизга сезиларли даражада салбий таъсир қилади ва бошқа мажбуриятларни бажариш қобилиятимизга таъсир қилиши мумкин», дейилади компания хабарида.

Қайд этилишича, 28 февраль куни NASDAQ ва Нью-Йорк фонд биржасида «Яндекс», шунингдек, бошқа бир қатор Россия компаниялари қимматли қоғозлари савдоси тўхтатилди. «Яндекс», агар NASDAQ’ А тоифали акциялар савдоси беш савдо кунидан кўпроқ муддатга тўхтатилса, акциядорлар облигацияларни нақд пулга чиқаришни талаб қилиш ҳуқуқига эга эканини таъкидлади.

Гап 0,25 фоиз ставкали 2025 йилда сўндирилиши керак бўлган 1,25 миллиард долларлик облигациялар ҳақида кетмоқда. «Яндекс» вакили компания ўз хабарида «назарий жиҳатдан мумкин бўлган хавфлар» ҳақида огоҳлантирганини таъкидлади.

Аввалроқ «Яндекс» раҳбари Аркадий Волож миллиардер мақомидан маҳрум бўлгани хабар қилинганди. Шунингдек, «Яндекс» 2021 йил қанча даромад топгани ҳақида хабар берилди.