Brabus ўз тарихидаги биринчи мотоциклни тақдим этди. Бу ҳақда «Коммерсантъ» хабар берди.

Маълум қилинишича, Brabus тюнинг студияси Brabus 1300 R’ни тақдим этган — бу компания тарихидаги биринчи мотоцикл.

Немис мутахассислари Brabus 1300 R учун Австриянинг KTM 1290 Super Duke R Evo мотоциклини асос қилиб олган. У махсус углерод толали суйри деталь, янги эгар, оригинал 9 тишли Monoblock Z ғилдираклари, янги фара ва махсус декорацияга эга бўлган. 180 от кучига эга 1,3 литрли V2 двигатели, WP ярим фаол суспензияси ва бошқа техник қисмлар стандарт бўлиб қолган.

Brabus 1300 R иккита версияда — Magma Red ва Signature Black рангларида сотувга чиқарилади. Уларнинг ҳар бири тюнинг студияси ташкил этилган йил шарафига 77 та нусхада ишлаб чиқарилади.

Аввалроқ Brabus тюнинг студияси G-Class’ни 800 от кучига эга пикапга айлантиргани хабар қилинганди.