Тадқиқотчилар Халқаро космик станцияда фойдаланиш учун ишлаб чиқилган NASA технологиясидан электромобилларни ҳозиргидан анча тезроқ зарядлаш учун ҳам фойдаланиш мумкинлигини аниқлашди.

Космосдаги баъзи электр тизимларига тегишли ҳароратни сақлашга ёрдам бериш учун ишлаб чиқилган мураккаб совутиш техникаси ҳозирги вақтда бозорда мавжуд бўлган бошқа электр транспорт воситаларини зарядловчи қурилмалардан деярли беш баравар токни этказиб бериши мумкин, дейилади Business insider хабарида.

Қайд этилишича, юқори электр токлари кўпроқ иссиқлик ҳосил қилади, яъни оқим қанча кўп бўлса, компонентларнинг қизиб кетиш эҳтимоли шунчалик юқори бўлади.

NASA ўзининг янги иссиқлик узатиш тизими зарядлаш станцияларида зарядлаш вақтини беш дақиқада амалга ошириши мумкинлигини айтди.

«Ушбу янги технологияни қўллаш автомобилни заряд қилиш учун зарур бўлган вақтни мисли кўрилмаган қисқартиришга олиб келди ва бутун дунё бўйлаб электр транспорт воситаларини қабул қилишдаги асосий тўсиқлардан бирини олиб ташлаши мумкин», – дейилади NASA хабарида