Бутунжаҳон туризм ташкилоти бош котиби Ўзбекистонга келди. Бу ҳақда Туризм ва маданий мерос вазирлиги матбуот хизмати хабар берди.

БМТнинг Бутунжаҳон туризм ташкилоти (UNWTO) бош котиби Зураб Пололикашвили Ўзбекистонга ташриф буюрди. Юқори мартабали меҳмонни Самарқанд халқаро аэропортида Ўзбекистон Республикаси Бош вазир ўринбосари – туризм ва маданий мерос вазири Азиз Абдуҳакимов кутиб олди.

Ўзбекистонга ташриф буюрган бош котиби Зураб Пололикашвили Ўзбекистон II иқтисодий форумида иштирок этиш учун Самарқанддаги иқтисодий форумга ташриф буюрди. Қайд этилишича, 2023 йилда Ўзбекистонда Жаҳон сайёҳлик ташкилоти Бош ассамблеясининг 25-юбилей сессияси бўлиб ўтади. Ушбу тадбирлар Самарқанд шаҳрида бўлиб ўтади.

Тадбир сўнгида Зураб Пололикашвили ва Азиз Абдуҳакимов Самарқанддаги «Абадий шаҳар» мажмуасига ташриф буюришди.

Шунингдек, меҳмон «Конигил» туризм қишлоғига келди ҳамда бу ернинг сайёҳлик салоҳияти билан яқиндан танишди. Шу билан бирга, Азиз Абдуҳакимов ва Зураб Пололикашвили футбол бўйича Қатарда бўлиб ўтадиган жаҳон чемпионатига йўл олган карвон иштирокчиларини билан учрашди.

UNWTO бош котиби Туризм ва маданий мерос вазири Азиз Абдуҳакимов ҳамроҳлигида Самарқанддаги Регистон мажмуаси, Амир Темур мақбараси ва Улуғбек мадрасасида ҳам бўлди. Грузиялик меҳмон Тошкентда UNWTO бош котиби Зураб Пололикашвили таниқли грузин ижодкори Шота Руставели ҳайкали пойига гул қўйди ва унинг хотирасига ҳурмат билдирди.

Зураб Пололикашвили ҳамда Туризм ва маданий мерос вазири Азиз Абдуҳакимов 6 ноябрь куни«Янги Ўзбекистон» боғига келди.

Бундан ташқари, Зураб Пололикашвили, Туризм ва маданий мерос вазири Азиз Абдуҳакимов ҳамда Тошкент вилояти ҳокими Зойир Мирзаев «Амирсой» тоғ-чанғи мажмуаси ҳудудида дарахт кўчатларини ўтқаздилар.

БМТнинг Бутунжаҳон туризм ташкилоти (UNWTO) Бош котиби Зураб Пололикашвили Ўзбекистонинг сайёҳлик салоҳияти ва маданий масканлари ҳақидаги ҳам ўз фикрларини билдириб ўтди.

«Ўзбекистон тобора қизиқарли ва ранг-баранг сайёҳлик масканига айланиб бораётганини кўриш чинакам завқ бағишлади. Янги ‘Ўзбекистон боғи’га ташрифим менга мамлакатнинг узоқ ва бой тарихини асраб-авайлашда туризм нақадар муҳим роль ўйнашини кўрсатди. Ҳақиқатан ҳам илҳомлантирувчи! Самарқанддаги Регистонга ташрифимиз ҳам ҳайратда қолди. Табиатни муҳофаза қилиш бўйича бундай ғайриоддий ҳаракат билан табриклайман. Айнан уларнинг шарофати билан бугун шаҳар аҳолиси ва меҳмонлари тарих гўзаллигидан баҳраманд бўлмоқда», — дейди Зураб Пололикашвили.