2022 йилда Ўзбекистон рекорд ҳажмдаги тарвуз экспорт қилди. Бу ҳақда EastFruit хабар берди.

Қайд этилишича, тарвуз экспорти 2021 йилга қараганда қарийб 2 бараварга ошиб кетди.

Ушбу маҳсулотлар экспортининг ошиши, асосан, етказиб бериш ҳажмининг Қозоғистонга деярли икки баравар ҳамда Тожикистон ва Қирғизистонга бир неча баробар ортиши ҳисобига мумкин бўлди.

2022 йилнинг май ойи бошидан ноябрь ойи охиригача бўлган даврда Ўзбекистон жами 18,1 миллион долларлик 81,8 минг тонна тарвуз экспорт қилган. Бу 2021 йилнинг шу даврига нисбатан физик жиҳатдан 1,9 баробар кўпдир.

2020 йилнинг шу давридаги рекорд кўрсаткичдан 1,7 баравар кўп.

• Қозоғистон – 42,4 минг тонна;
• Россия — 17,2 минг тонна;
• Қирғизистон — 10,5 минг тонна;
• Тожикистон — 9,6 минг тонна;
• Беларусь — 1,2 минг тонна;
• Латвия — 674 тонна;
• Мўғилистон — 154 тонна;
• Эстония — 86 тонна;
• Украина — 43 тонна;
• БАА — 4 тонна;

2021 йилнинг шу даврига нисбатан 2022 йилда ўзбек тарвузи экспортининг бундай кескин ўсишига асосан қўшни давлатларга жўнатишнинг кескин кўпайиши ҳисобига эришилди:

Қозоғистон – 2021 йилдаги 23,9 минг тоннадан 2022 йилда 42,4 минг тоннагача, яъни. 1,8 марта;

Қирғизистон – 3,9 минг тоннадан 10,5 минггача, яъни. 2,7 марта;

Тожикистон – 60 тоннадан 9,6 минг тоннагача, яъни. 160 марта!

Шунингдек, Россия бозорига жўнатишда экспортнинг сезиларли ўсиши қайд этилди – 2021 йилда 14,4 минг тоннадан 2022 йилда 17,2 минг тоннагача, яъни. 19 фоизга.