АОКАда ўтказилган брифингда Экспортни рағбатлантириш агентлиги бошқарма бошлиғи Ойбек Саидаҳматов экспортёр корхоналар фаолиятини қўллаб-қувватлаш йўналишидаги ишлар ҳақида маълумот берди.

Қайд этилишича, 2022 йилда 273 та экспорт қилувчи корхоналарга экспорт билан боғлиқ савдо операциялари ва экспортолди молиялаштириш кредитлари учун тижорат банкларига 164,5 миллион доллари миқдорида молиявий ресурс ажратилган.

Агентлик томонидан экспорт қилувчи корхоналарга кўрсатилган молиявий ёрдамлар натижасида 2,7 миллиард доллар миқдорида экспорт амалга оширилишига эришилган.

2023 йилда ҳам экспорт қилувчи ташкилотларга 639,3 миллиард сўм миқдорида молиявий ёрдам кўрсатилади.

Экспортга йўналтирилган маҳсулотларни экспорт қилишда ташиш харажатларининг бир қисмини қоплаб бериш учун:

• 418 миллиард сўм миқдорида молиявий ёрдам кўрсатилади;
• суғурта хизматларидан фойдаланганда 42 миллиард сўм миқдорида суғурта мукофоти харажатлари қоплаб берилади;
• халқаро стандарт ва сертификатни жорий қилиш, тақдимотлар ва реклама компанияларини ўтказиш бўйи ҳамда маҳаллий корхоналарнинг халқаро кўргазма ва ярмаркаларда иштирок этишини таъминлаш учун 178 миллиард сўм молиявий ёрдам кўрсатилиши режалаштирилган.