O‘zbekistonda ijtimoiy himoyani kuchaytirish va kam ta’minlanganlarni qo‘llab-quvvatlash bo‘yicha yangi chora-tadbirlar belgilandi
Prezidentning Senatdagi nutqida kam ta'minlangan aholining ulushini qisqartirish va ijtimoiy himoyani kuchaytirish bo‘yicha amalga oshiriladigan yirik dasturlar haqida so‘z bordi. Davlat byudjetidan ajratiladigan mablag‘lar va yangi tizimlar orqali aholi turmush darajasini yaxshilash va ijtimoiy himoya choralarini kengaytirish rejalashtirilgan.
Prezident senatdagi nutqi davomida kam ta’minlangan aholi darajasini qisqartirish va aholining ijtimoiy himoyasini kuchaytirish bo‘yicha yirik dasturlar amalga oshirilishi haqida aytib o’tdi.
To‘rt yil avval aholining 23 foizi kam ta’minlanganlar qatoriga kirgan bo‘lsa, o‘tgan davrda 3,5 million fuqaro barqaror daromad manbalariga ega bo‘ldi. Natijada, kam ta’minlangan aholining ulushi 11 foizgacha qisqardi. Yaqin uch yilda bu ko‘rsatkichni 7 foizgacha tushirish rejalashtirilmoqda.
Kelgusi yilda ijtimoiy yordam va himoya tadbirlarini moliyalashtirish uchun davlat byudjetidan 500 milliard so‘m ajratilishi belgilangan.
Shuningdek, yangi yildan boshlab aholining ijtimoiy himoyasini yaxshilash maqsadida yagona “Ijtimoiy karta” tizimi joriy etiladi. Ushbu karta orqali 65 turdagi xizmat va yordam turlari, shuningdek, 50 ga yaqin imtiyozlardan foydalanish imkoniyati taqdim etiladi.
Aholining daromadini yo‘qotgan yoki og‘ir ijtimoiy sharoitda qolgan qatlamlarini qo‘llab-quvvatlash choralari bosqichma-bosqich kengaytiriladi. Bu borada “Ijtimoiy sug‘urta to‘g‘risida”gi qonunni qabul qilish rejalashtirilgan.
