Апрель ойида Ўзбекистонга енгил автомобиллар импорти ҳажми ошди. Бу ҳақда Божхона қўмитаси маълумотларида келтирилган.

Ўтган ойда 98,54 миллион долларлик 5111 та енгил автомобиль олиб келиниб, кўрсаткич 2024 йилнинг апрель ойига нисбатан қиймат жиҳатидан 1,14 баробар, миқдор жиҳатидан эса 1,31 баробар ошган.

Бир ойда жами 1654 та бензинда ҳаракатланувчи енгил автомобиль импорт қилинди, унинг ҳажми 1,43 бараварга камайган. Пул кўринишида импорт 55,7 миллион доллардан 36,24 миллион долларгача (камайиш — 1,53 баравар) қисқарди. Хорижий автомобилларнинг ўртача нархи 21,91 минг долларгача (ҚҚС ва божхона тўловларисиз) пасайди.

Ўз навбатида, электрда ҳаракатланувчи енгил автомобиллар импорти 6,79 баробар — 470 донадан 3193 тагача ошган. Қиймат жиҳатидан кўрсаткич 6,88 бараварга — 57,08 миллион долларгача ошди, электромобилнинг ўртача нархи эса деярли ўзгаришсиз (17,87 минг доллар) қолди.

Ўтган ойда 235 дона бензин ва электрда ҳаракатланувчи енгил автомобиль етказиб берилди. Импорт ҳажми миқдор жиҳатидан 4,37 барабарга пасайди. Гибрид автомобиллар импортининг умумий қиймати 78 фоизга камайиб, 4,62 миллион долларни ташкил этди. Ўртача нархи эса 21,17 минг доллардан 19,67 минг долларгача тушди.

Апрелга келиб, Ўзбекистон дизель двигателли енгил автомобиль импортини амалга оширди — 29 дона. Унинг қиймати 586,1 минг долларни ташкил этди.

Ой якуни билан ички ёнув двигателли автомобилларнинг импортдаги улуши 61,1 фоиздан 32,38 фоизга, гибрид автомобиллар улуши 26,4 фоиздан 4,5 фоизга камайди. Электромобилларнинг етказиб беришдаги улуши эса 12,08 фоиздан 62,4 фоизгача ошди.

Бундан ташқари, тўрт ойда мамлакатга автомобиллар импорти 2,17 баробарга — 14 068 тагача, етказиб бериш қиймати эса 2,68 баробарга — 213,55 миллион долларгача камайди. Чет эл автомобилларини олиб кириш таркиби: бензинли автомобиллар (камайиш — 2,95 баравар), электромобиллар (ўсиш — 3,54 фоиз) ва гибридлар (камайиш — 9,96).