Рейтинг. Ўзбекистон энг кўп телефон импорт қилаётган давлатлар
Ўзбекистон 10 ойда қиймати 154,2 миллион долларга тенг бўлган 2,2 миллион дона мобил телефон импорт қилган
Давлат статистика қўмитаси Ўзбекистон энг кўп телефон импорт қилаётган давлатлар ҳақида маълумот берди.
Қайд этилишича, 2021 йилнинг январь-октябрь ойларида Ўзбекистон хориждан қиймати 154,2 миллион долларга тенг бўлган 2,2 миллион дона мобил телефон импорт қилган. Телефон импорти ўтган йилнинг мос даври билан солиштирилганда 1,5 миллион донага ошган.
Ўзбекистон 14 та давлатдан мобил телефонлар импорт қилган.
Ўзбекистон мобил телефонларни энг кўп импорт қилган давлатлар:
- Хитой — 79,5 миллион доллар;
- Вьетнам — 60 миллион доллар;
- Ҳиндистон — 7,2 миллион доллар;
- Қозоғистон — 5,3 миллион доллар;
- БАА — 1,4 миллион доллар;
- Германия — 647 минг доллар;
- Россия — 175,8 минг доллар.
Хабарга кўра, октябрь ойида импорт қилинган мобил телефонлар сони сентябрь ойига нисбатан 5460 тага ошган.
Аввалроқ Ўзбекистон энг кўп электромобиль импорт қилаётган давлатлар ҳақида маълумот берилганди.
