Германиянинг Audi компанияси америкалик пойгачи ва шоумен Кен Блок учун S1 e-tron quattro Hoonitron пойга электромобилини ишлаб чиқарди. Бу ҳақда «Коммерсантъ» хабар берди.

Қайд этилишича, битта нусхада ишлаб чиқарилган модель Audi Sport заводи бўлими мутахассислари томонидан тайёрланган. Моделнинг техник тавсифлари ошкор этилмаган, аммо маълумки, машина иккита электромотор ва углерод толали монококка эга.

Audi S1 e-tron quattro Hoonitron устида бренд бош дизайнери Марк Лихт бошчилигидаги дизайн жамоаси ишлаган. Замонавий электромобиль ўтган асрнинг 80-йилларидаги Audi Sport quattro S1 пойга машинасини эслатиб юбориши айтилмоқда.

Янги электромобиль 2022 йилда дебют қилади. Кен Блок Audi S1 e-tron quattro Hoonitron пойга машинасини миниб, Elektrikhana видеоси доирасида турли ҳаракатларни амалга оширади.

Аввалроқ Ford, General Motors ва Hyundai’ни ортда қолдирган йил пикапи маълум бўлгани хабар қилинганди.