Ferrari эксклюзив Daytona SP3 суперкарини, Icona линиясидаги учинчи моделини намойиш қилди. Бу ҳақда «Коммерсантъ» нашри ёзмоқда.

Янги модель 1967 йил 6 февралда бўлиб ўтган «24 соатлик Дайтона» пойгасига бағишланган. Унда дастлабки уч ўринни Ferrari спорткарлари — 30 P3/4, 330 P4 и 412 P моделлари эгаллаганди. Daytona SP3 тарга корпуси олинадиган қаттиқ томга эга. Модель замонавий Ferrari’дан илҳомланиб ясалган, аммо 1960 йиллардаги пойга машиналарига ишора қилади.

Ишлаб чиқарувчининг фикрига кўра, интерьер ҳам классик пойга моделларига ҳавола қилинган. Салоннинг ўзига хос хусусияти қаттиқ ўрнатилган ўриндиқлардир. Шунинг учун ҳайдовчи ўриндиғида нафақат руль, балки педаль бирлиги ҳам созланган.

Модель кўп функцияли руль ва рақамли асбоблар панелига эга. Ички қисми углерод толаси ва тери билан безатилган. Углерод толали корпус ва корбон шассисига эга Daytona SP3 Ferrari 812 Competizione спорткаридан 6,5 литрли V12 двигателини олган. Бироқ яхшиланишлар туфайли унинг қуввати 840 от кучига оширилган.

Двигатель янгиланган 7 поғонали робот витес қутиси билан бирлаштирилган. Суперкар электрон ҳайдовчи ассистентларининг энг замонавий версиялари билан жиҳозланган.

Янги Ferrari Daytona SP3 ҳар бири 2 миллион евро нархда 599 дона ишлаб чиқарилади.

Аввалроқ Ferrari эксклюзив BR20 спорткарини тақдим этганди.