SpaceX компанияси Starship Super Heavy ракетасига хизмат кўрсатиш учун Мечазилла минорасини қурди. Унинг намойиши акс этган қисқа видеони компания раҳбари Илон Маск ўзининг Twitter саҳифасида эълон қилди.

Баландлиги 140 метр бўлган «Мехазилла» ракета орбитадан қайтганидан сўнг биринчи қисмини ушлаб олиш учун мўлжалланган. Starship кемасининг ўзи Марс ва Ойга парвозлар учун яратилмоқда.

Маск 2020 йил ракета қўнаётганда қўниш таянчларидан воз кечиш зарурлиги ҳақидаги фикрни билдирган эди. Шундан сўнг унинг компанияси АҚШдаги Федерал авиация бошқармасидан (ФАА) минора қуриш учун рухсат сўради.

Ракета қўнгандан сўнг тезлигини камайтириши керак, шунда у аэродинамик рулларни учириш минорасининг махсус бумига юмшоқ тарзда боғлаши мумкин. 

Компания ракетани учиришнинг ушбу варианти денгиз платформасига қўниш билан солиштирганда парвозлар орасидаги интервалларни сезиларли даражада (тахминан 1 соатгача) қисқартиришга ёрдам беради, деб кутмоқда. 2021 йил март ойида SpaceX Техасдаги синовлар давомида биринчи марта Starship прототипини муваффақиятли қўндира олди.