Italdesign Nissan GT-R50 cпорткарини тақдим этди
Эксклюзив автомобилларнинг нархи 990 минг евродан бошланади
Italdesign дизайн студияси модель ва кузов дўконининг 50 йиллиги муносабати билан яратилган Nissan GT-R50 спорткарини сотувга чиқарди. Бу ҳақда студиянинг Twitter’даги саҳифасида маълум қилинди.
Янги купе 6 поғонали «робот» билан бирлаштирилган GT3 пойга купеси элементларига ва 720 от кучига эга 3,8 литрли V6 бензинли турбо двигатель билан жиҳозланган. Автомобиль осмаси учун Bilstein DampTronic амортизаторларидан фойдаланилган, тормозлар Brembo компонентлари билан мустаҳкамланган. 21 дюймли ғилдираклар эса Michelin Pilot Super Sport шиналари билан жиҳозланган.
Режалаштирилган 50 та спорткарнинг ҳар бири қўлда йиғилади, Nissan GT-R50 конфигурацияси ва дизайнида харидорларнинг хоҳиш-истаклари инобатга олинади. Хусусан, мижозлардан бири 1972 йилги Nissan Skyline GT-R услубида автомобиль буюртма қилган.
Эксклюзив автомобилларнинг нархи 990 минг евродан бошланади. Спорт автомобилларини харидорлар 2021 йил охири ёки 2022 йил бошидан сотиб олиши мумкин бўлади.
Аввалроқ Audi янгиланган A8 седанини намойиш этганди.
