Маск Tesla акцияларининг бир қисмини сотди
У копаниянинг қарийб 4 млрд долларлик акциясини сотган. 2021 йил июнидан бери бирини марта ҳар бир акция 200 доллардан пастга тушган
Илон Маск Tesla компаниясини қарийб 4 миллиард долларлик акцияларини сотди. Бу ҳақда «Reuters» хабар берди.
Регулятор маълумотларидан келиб чиқадики, Маск 5 ноябрдан 8 ноябргача Tesla’нинг 19,5 миллионга яқин акциясини сотган. Охирги вақтларда компания акциялари нархи пасайиб кетмоқда. 2021 йил июнидан бери бирини марта ҳар бир акция 200 доллардан пастга тушган.
Аввалроқ ҳам Маск компания акцияларини сотган ва ундан келадиган маблағлар турли ижтимоий платформаларни қўлга киритишга сарфлагани маълум қилинганди.
Шунингдек, у АҚШнинг турли банкларидан умумий миқдорда 13 млрд доллар кредит олгани айтилмоқда.
Маълумот учун, Илон Маск дунёнинг энг бадавлат одами бўлиб турибди. Унинг умумий бойлиги 195,6 миллиард долларни ташкил этмоқда.
