
«Микрокредитбанк» эски турдаги VISA карталарга хизмат кўрсатиш тўхтатилганини эълон қилди
Декабрь ойидан эски VISA картасини янгисига алмаштириш мумкин бўлади

«Микрокредитбанк» томонидан шу кунгача эмиссия қилинган VISA карталарига хизмат кўрсатиш тўлиқ тўхтатилгани маълум қилинди. Бу ҳақда банк матбуот хизмати хабар берди.
Маълум бўлишича, тез кунларда янгиланган VISA карталари ишга тушишини ҳисобга олиб, мижозларнинг айни пайтда мавжуд карталаридаги ҳамма пуллар сақланган ҳолда туради. Мижоз хоҳишига кўра, VISA конверсион картадаги қолдиқ пуллар UzCard картага ўтказиб берилади.
Шунингдек, декабрь ойидан бошлаб банк филиалларига эски VISA картаси топширилганда мутлақо бепулга янгиланган VISA карта олиш мумкин бўлиши қайд этилган.
Аввалроқ «Микрокредитбанк» ўз мижозларига мурожаат билан чиққани хабар қилинганди. Миллий банкнинг «Янгиобод» хизмат кўрсатиш маркази иш бошлагани ҳақида хабар берилди.






