Нукус аэропорти фаолиятига чеклов ўрнатилди
Авиакомпания йўловчиларни рейслар кечиктирилиши ҳақида хабардор қилган.
Қорақалпоғистонда фавқулодда ҳолат эълон қилинганидан сўнг Нукус аэропорти фаолиятига чеклов ўрнатилди. Бу ҳақда Uzbekistan Airports хабар берди.
Қайд этилишича, Нукус аэропорти фаолияти комендантлик соатларида вақтинчалик соат 21:00 дан 07:00 гача чекланади.
Шу муносабат билан Uzbekistan Airways’нинг 2022 йил 3 июль кунги Тошкент – Нукус – Тошкент йўналиши бўйича HY017/HY018 рейслари бекор қилинди.
Маълум қилинишича, 4 июль куни бекор қилинган рейсларнинг барча йўловчилари Тошкент – Нукус – Тошкент йўналиши бўйича HY011/HY012 рейслари орқали етказилади
Авиакомпания йўловчиларни рейслар кечиктирилиши ҳақида хабардор қилган.
Аввалроқ, Президент ташрифи давомида Тошкент – Мўйноқ – Нукус авиақатнови йўлга қўйилиши ҳақида хабар берилганди.