Ўзбекистон хорижга қанча шафтоли экспорт қилгани маълум қилинди
Шафтоли экспорти 2021 йилнинг мос даври билан солиштирилганда яхшиланганини кўриш мумкин. Сўнгги 9 ой давомида мева-сабзавотларнинг қиймат бўйича асосий қисми Россияга тўғри келди
Ўзбекистон 2022 йилнинг январь-сентябрь ойларида хорижга қиймати 68,1 млн долларга тенг бўлган 76,7 минг тонна шафтоли экспорт қилди. Бу ҳақда Давлат статистика қўмитаси ҳабар берди.
Қайд этилишича, Ўзбекистонда шафтоли экспорти ўтган йил билан солиштирганда 21,3 мин тоннага ошган.
Республикадан 2022 йилнинг 9 ойида энг кўп шафтоли экспорт қилган давлатлар:
- Россия — 64,6 минг тонна
- Қирғизистон — 6,4 минг тонна
- Козоғистон — 4,8 минг тонна
- Туркманистон — 471 тонна
- Белоруссия — 261 тонна
2022 йилнинг 9 ойида хорижга энг кўп шафтоли экспорт қилган ҳудудлар:
- Фарғона вилояти — 43,6 минг тонна
- Самарқанд вилояти — 6,3 минг тонна
- Тошкент вилояти — 6,1 минг тонна
- Хоразм вилояти — 5,7 минг тонна
Аввалроқ Ўзбекистон мева-сабзавотларини энг кўп кайси давлатлар импорт килаётгани ҳақида хабар берилганди. Қайд этилишича, 2022 йилнинг январь-май ойларида экспортнинг умумий ҳажмида мева-сабзавотлар улуши 4 фоизни ташкил этганди. Мева-сабзавотларнинг қиймат бўйича асосий қисми Россия (29,8 фоиз), Қозоғистон (25,5 фоиз), Хитой (11,9 фоиз), Покистон (5,6 фоиз), Қирғизистон (4,4 фоиз) Афғонистон (4,2 фоиз), Беларусь (2,6 фоиз) каби мамлакатларга экспорт қилинганди.
