Ўзбекистонда Халқаро қишлоқ хўжалиги университети ташкил этилади
Университетга 2022/2023 ўқув йилида 200 нафар талаба қабул қилинади.

Ўзбекистонда нуфузли халқаро илмий марказлар ва олий таълим муассасалари билан биргаликда Халқаро қишлоқ хўжалиги университети ташкил этилади. Бу ҳақда 2022–2026 йилларга мўлжалланган тараққиёт стратегиясини 2022 йилда амалга ошириш бўйича «йўл харитаси» лойиҳасида сўз боради.
Қайд этилишича, Халқаро қишлоқ хўжалиги университетига 2022/2023 ўқув йилида 200 нафар талаба қабул қилинади.
Шунингдек, университетга хорижий олий таълим муассасаларидан 8 нафар профессор жалб этилади, 16 нафар маҳаллий профессор-ўқитувчиларнинг малакаси оширилади.
Аввалроқ Наманган муҳандислик-технология институти негизида Наманган тўқимачилик саноати институти ташкил этилиши ҳақида хабар берилганди. Шунингдек, Тошкент давлат техника университети Термиз филиали негизида Термиз муҳандислик-технология институти ташкил этилгани хабар қилинганди.






