Павел Дуров араб шайхи бошлаган хайрия кампаниясига қўшилди
Дуровнинг ёзишича, дунё глобал озиқ-овқат инқирози ёқасида турибди, юз миллионлаб одамлар очликдан азият чекмоқда.
Telegram асосчиси Павел Дуров Бирлашган Араб Амирликлари вице-президенти, бош вазир, Дубай амирлиги ҳокими Муҳаммад бин Рашид Ал Мактум бошлаган 1 Billion Meals хайрия кампаниясига қўшилди. Бу ҳақда миллиардер ўз каналида маълум қилди.
Дуровнинг ёзишича, дунё глобал озиқ-овқат инқирози ёқасида турибди, юз миллионлаб одамлар очликдан азият чекмоқда.
«Эҳтиёжга муҳтожларга ёрдам бериш учун ўтган ой БАА муваффақиятли 1 Billion Meals ташаббуси — 50 та мамлакатдаги энг заиф одамларни миллиардлаб овқат билан таъминлашга қаратилган маблағ йиғиш кампаниясини амалга оширди», — деб ёзади у.
Миллиардерга кўра, кампанияда юзлаб донорлар иштирок этган.
«Кампания асосчиси Шайх Муҳаммад 400 миллион егулик совға қилди, мен эса 12 миллион кам миқдорда ҳисса қўшдим. Умид қиламизки, кейинги йилларда яна кўплаб одамлар ташаббусга қўшилиши мумкин ва биз биргаликда БМТ томонидан қўйилган «Нол очлик» мақсадига эриша оламиз», — дея ўз сўзини якунлаган Дуров.
Аввалроқ Германия иқтисодий ҳамкорлик ва тараққиёт вазири Свенья Шульце СOVID-19 пандемияси, қурғоқчилик ва Украинадаги воқеалар оқибатлари глобал озиқ-овқат муаммосини янада кучайтириши мумкинлигини айтганди.