ШҲТ давлатлари ўртасида туризм соҳасидаги ҳамкорликни ривожлантириш тўғрисида битим имзоланди

17:19 | 20.9.22

Сенат «Электрон тижорат тўғрисида»ги қонунни маъқуллади

16:30 | 13.9.22

Ўзбекистонда крипто-дўкон фаолияти қандай амалга оширилади?

15:04 | 13.9.22

Twitter акциядорлари компанияни Маск сотиб олишига рози — ОАВ

13:50 | 13.9.22

Тошкент халқаро аэропортида расмий такси хизмати иш бошлади

11:51 | 13.9.22

Ҳудудлар қишлоқ хўжалигида техник самарадорлик қай даражада?

9:13 | 13.9.22

Хитой Ойга 3 та миссия юборади

17:39 | 12.9.22

Ўзбекистонда жойлашган чет давлатлар капитали иштирокидаги корхоналар сони маълум қилинди

16:46 | 12.9.22

SpaceX 34 та Starlink сунъий йўлдошини фазога учирди

15:32 | 12.9.22

Деҳқончилик учун ерлар аҳолига 30 йилга ижарага берилади

13:46 | 12.9.22

Қимматли қоғозлар бозори тўғрисидаги ҳужжатларга ўзгартириш ва қўшимчалар киритилди

10:14 | 12.9.22

Fitch Ўзбекистоннинг реал иқтисодий ўсиш суръати кутилмасини оширди

9:11 | 12.9.22

Финляндия Ўзбекистондаги лойиҳа учун 1,5 млн евро ажратди

17:15 | 11.9.22

Ўзбекистоннинг суверен кредит рейтинги ва кутилмаси қандай ҳолларда пасайтирилиши мумкин?

13:28 | 11.9.22

Ўзбекистоннинг асосий савдо-ҳамкор давлатларида инфляция августда қай даражада бўлди?

10:35 | 11.9.22

Fitch Ratings Ўзбекистоннинг суверен кредит рейтинги баҳосини барқарор даражада тасдиқлади

9:02 | 11.9.22

Таҳлил: ҳудудлар ишбилармонлик фаоллигининг август ойидаги кўрсаткичлари

15:03 | 10.9.22

Уй сотиб олиш ва уйга рўйхатга қўйиш тартиби осонлашади

13:30 | 10.9.22

Пўлат заводини сотувга қўйган Усмонов компанияси, энг бой миллиардерлар рўйхатидан тушиб қолган Цукерберг ва Мелинда Гейтсдан кутилмаган қарор — кунлик дайжест

Kommers.uz куннинг энг сара янгиликларини битта дайжестга тўплади.

Пўлат заводини сотувга қўйган Усмонов компанияси, энг бой миллиардерлар рўйхатидан тушиб қолган Цукерберг ва Мелинда Гейтсдан кутилмаган қарор — кунлик дайжест
Коллаж: Kommers.uz

Яқин соатларда 2022 йилнинг 3 февраль санаси ҳам поёнига етади. Якунланаётган кун Ўзбекистон ва жаҳон ахборот майдонида қайноқ янгиликларга бой бўлди. Kommers.uz уларнинг энг сараларини битта дайжестга тўплади.

Пўлат заводини сотувга қўйган Усмонов компанияси

Миллиардер Алишер Усмоновга тегишли «Металлоинвест» компанияси «Уральская сталь»ни Загорск қувур заводига сотишга рози бўлди.

Маълум қилинишича, миллиардер Алишер Усмоновга тегишли «Металлоинвест» компанияси Загорск қувур заводи (ЗТЗ) билан унга «Уральская сталь»ни сотиш бўйича шартнома имзолаган. Шартномага мувофиқ, ЗТЗ «Металлоинвест»дан «Уральская сталь» ОАЖ акцияларининг 100 фоизини сотиб олади.

Базавий сотиб олиш нархи 500 миллион долларни ташкил этади. «Металлоинвест»нинг маълум қилишича, нарх олди-сотди шартномаси шартларига мувофиқ тузатилиши керак. Битим 2022 йилнинг февралида ёпилиши кутилмоқда.

Компания бош директори Нозим Эфендиевнинг сўзларига кўра, «Металлоинвест» тўлиқ эътиборини Марказий Россиядаги активларни ривожлантиришга, тўғридан-тўғри пасайтирилган темир ва унинг асосида маҳсулотлар ишлаб чиқаришга қаратади. «Металлоинвест»ишлаб чиқариш жараёнларидан коксланадиган кўмир, агломерат ва чўян ишлаб чиқариш ҳамда улардан фойдаланиш бутунлай чиқариб ташланади, бу эса тўғридан-тўғри иссиқхона газлари чиқиндиларини 48 фоизга қисқартиради.

ЗТЗ эгаси ва бош директори Денис Сафиннинг айтишича, келишув вертикал интеграциялашган ҳолдинг компаниясини шакллантириш имконини беради. Шунингдек, Россия ва ташқи бозорларга юқори сифатли металлургия маҳсулотларини етказиб бериш имкониятларини сезиларли даражада оширади.

«Металлоинвест» — Россия ва МДҲдаги энг йирик темир рудаси компанияси, темир рудасини қазиб олиш бўйича ўнта етакчи компаниядан бири. Компания 100 фоиз USM’га тегишли, унинг бенефициарлари Алишер Усмонов (49 фоиз) ва Владимир Скоч (30 фоиз)ҳисобланади.

«Уральская сталь» 2006 йилдан бери «Металлоинвест» таркибига киради. «Металлоинвест» матбуот хизмати маълумотларига кўра, ўшандан бери ҳолдинг корхонага қарийб 1,2 миллиард доллар сармоя киритган.

Энг бой миллиардерлар рўйхатидан тушиб қолган Цукерберг

Марк Цукерберг Meta акциялари қулаши туфайли дунёнинг энг бой 10 нафар кишиси рўйхатидан чиқди.

Маълум қилинишича, Meta (собиқ Facebook) асосчиси Марк Цукербергнинг бойлиги 27,1 миллиард долларга (23,67 фоизга) камайди. Унинг умумий бойлиги 87,4 миллиард долларни ташкил қилмоқда.

Қайд этилишича, Meta асосчиси энди Forbes талқинига кўра дунёдаги энг бадавлат бизнесменлар ўнталигидан чиққан. Цукерберг рўйхатнинг 12-қаторини эгаллаб турибди.

Ҳисобот эълон қилиниши чоғида Meta акцияларининг пасайиши туфайли Цукерберг капиталининг бир қисмини йўқотган. 2 февралдаги кенгайтирилган савдолар чоғида компания қоғозлари 23 фоизга қисқарган. Meta тўртинчи чоракда Facebook’нинг фаол фойдаланувчилари сони нафақат ўсмагани, балки аввалги уч ойга нисбатан ҳам камайгани ҳақида берган хабари инвесторларнинг ҳафсаласини пир қилган.

Бундан ташқари, компания чораклик даромади кутилганидан паст бўлганини маълум қилган. Meta’дан кейин Pinterest (деярли 10 фоиз), Snap (18 фоиздан ортиқ) ва Twitter (тахминан 8 фоиз) акциялари пасайишни бошлаган.

Савдо платформаси маълумотларига кўра, 3 февралдаги савдолар давомида Meta акциялари пасайишда давом этган ва 25,46 фоизга қисқариб, 240,78 доллардан сотилган.

Маълумотларга кўра, капиталнинг бу қисқариши тарихдаги бир кун ичида бойликнинг энг катта пасайиши бўлган. Январь ойида дунёнинг энг бадавлат одами Илон Маск Tesla акциялари тушиб кетиши туфайли 24,5 миллиард доллар йўқотганди.

Мелинда Гейтсдан кутилмаган қарор

Мелинда Гейтс 6,1 миллиард долларлик бойлигининг катта қисмини собиқ эри Билл Гейтс билан биргаликда асос солган фондга бермасликка қарор қилди.

Маълум қилинишича, Microsoft асосчиларидан бири бўлган Билл Гейтснинг собиқ рафиқаси Мелинда Гейтс ўз бойлигининг катта қисмини (6,1 миллиард доллар) Bill & Melinda Gates Foundation жамғармасига бермасликка қарор қилган. Гейтс пулларини мустақил равишда хайрия ташкилотларига тарқатишни режалаштирмоқда.

Қайд этилишича, 2010 йилда Билл ва Мелинда Гейтс Giving Pledge хайрия лойиҳасига йўллаган қўшма мактубида бойликларининг катта қисмини ушбу жамғармага хайрия қилишга ваъда берган. Бироқ, Мелинда Гейтс бундан воз кечиш тўғрисида 2021 йил охирида, Билл Гейтс билан ажрашганидан сўнг Giving Pledge’га ўзининг биринчи хатини жўнатганида қарор қилган.

Хатда Мелинда Гейтс бойлигининг катта қисмини хайрия ишларига бериш мажбуриятини тасдиқлаган, бироқ бу Билл ва Мелинда Гейтс жамғармасига ўтказилишига аниқлик киритмаган.

«Мен бир кишининг қўлида шунчалик кўп бойлик тўпланишининг бемаънилигини тан оламан ва мен бундай катталикдаги бойлик билан боғлиқ ягона масъулиятли нарса уни иложи борича ўйланган ва самарали тақсимлаш деб ҳисоблайман», — деб ёзган у.

Bill & Melinda Gates Foundation — дунёдаги энг йирик хайрия ташкилотларидан бири бўлиб, 50 миллиард доллардан ортиқ хайрия жамғармасига эга. Билл ва Мелинда Гейтс ташкилот ҳамраислари ҳисобланади. 2021 йил июль ойида улар ажрашгандан кейин бирга ишлай олмасалар, 2023 йилда Мелинда уни тарк этишига келишиб олган. 27 йиллик никоҳдан кейин эр-хотиннинг ажрашиши 2021 йил августида расмийлаштирилган.

Ўзбекистонда 2026 йилгача қуриладиган электр станциялари

Ўзбекистонда 2026 йилга бориб қуёш ва шамол электр станциялари қуввати 8 минг мегаваттга етказилади.

Ўзбекистонда 2026 йилга қадар қайта тикланувчи энергия манбалари улушини 25 фоизга етказиш эвазига йилига қарийб 3 миллиард куб метр табиий газни тежашни назарда тутувчи Президент қарори лойиҳаси тайёрланади.

Унга кўра, қайта тикланувчи энергия манбаларидан фойдаланишни кенгайтириш ва қўллаб-қувватлаш дастури ишлаб чиқилади. Мамлакатда цмумий қуввати 4 минг мегаватт бўлган 8 та шамол электр станцияси қурилади. 

Жумладан: 

  • 2023-2024 йилларда Қорақалпоғистон республикаси, Бухоро ва Навоий вилоятларида умумий қуввати 1600 мегаватт бўлган 4 та;
  • 2025-2026 йилларда Ўзбекистон бўйлаб умумий қуввати 2400 мегаватт бўлган 4 та шамол электр станциялари ишга туширилади.

Шунингдек, умумий қуввати 4 минг мегаватт бўлган қуёш фотоэлектр станциялари ишга туширилади. 

Жумладан:

  • 2023 йилда Навоий, Жиззах, Самарқанд ва Сурхондарё вилоятларида жами қуввати 1100 мегаватт бўлган 4 та;
  • 2024 йилда Бухоро, Наманган, Хоразм, Қашқадарё ва Фарғона вилоятларида умумий қуввати 900 мегаватт бўлган 5 та.

Рухсат олган тўлов ташкилоти

Ўзбекистонда яна бир тшлов ташкилоти рўйхатга олинди.

Марказий банкнинг хабар беришича, «SOLUTIONS LAB» масъулияти чекланган жамиятига тўлов ташкилоти фаолиятини амалга ошириш учун лицензия берилди.

Рухсатнома Марказий банк бошқарувининг қарорига мувофиқ тақдим этилган.

ОТБнинг Ўзбекистондаги 3 млрд долларлик лойиҳалари

Осиё тараққиёт банки Ўзбекистонда 2022-2024 йиллар умумий қиймати 2,8 миллиард долларга тенг бўлган 27 лойиҳа амалга оширишни режалаштирган.

Маълум қилишича, ОТБнинг 2022-2024 йилларга мўлжалланган мамлакатлар билан операцияларнинг бизнес-режаси доирасида Ўзбекистонда умумий қиймати 2,8 миллиард долларга тенг бўлган 27 лойиҳа амалга оширилиши режалаштирилган. Шундан 524 миллион долларлик 3 лойиҳа 2022 йилда ҳаётга жорий этилади. 

Томонлар маъқулланган ташаббусларни амалга оширишни жадаллаштириш ва кўриб чиқилаётган лойиҳаларни келишиш бўйича яқиндан ҳамкорлик қилиш тўғрисида келишиб олгани маълум қилинди.

Шунингдек, мулоқот чоғида банк раҳбарияти Тошкент халқаро инвестиция форуми ва у доирасидаги тадбирларда иштирок этишга таклиф қилинган.

Ўзбекистонда товарларнинг географик кўрсаткичи

Парламент юқори палатасининг йигирма учинчи ялпи мажлисида «Географик кўрсаткичлар тўғрисида»ги қонун муҳокама марказида бўлди.

Интеллектуал мулк соҳасидаги миллий қонунчиликка мувофиқ минтақавий брендларни ривожлантиришнинг воситаларидан бири интеллектуал мулкнинг объекти бўлган товар келиб чиққан жой номлари ҳисобланади. У географик объектлар, шу жумладан, маъмурий-ҳудудий бирликлар, табиий объектлар билан узвий боғлиқдир.

Таҳлилларга кўра, Ўзбекистонда фақат 4 та товар келиб чиққан жой номи рўйхатдан ўтказилган, шулардан атиги 2 таси маҳаллий ишлаб чиқарувчилар бўлса, қолган 2 таси хорижий ишлаб чиқарувчиларга тегишлидир.

Бундай ҳолат интеллектуал мулкнинг бу соҳаси Ўзбекистон ҳудудлари маълум бир ҳудудга хос маҳсулотларни, айниқса қишлоқ хўжалиги ва ҳунармандчилик соҳасидаги маҳсулотларни оммалаштириш ва ривожлантиришда имкониятлар етарли даражада бўлмаганлигини кўрсатади.

Товар келиб чиққан жой номларига бўлган қатьий талаблар ўрнатилмаганлиги туфайли мамлакатда минтақавий брендлар ривожланмасдан қолмоқда.

Сенаторлар томонидан муҳокама қилинган «Географик кўрсаткичлар тўғрисида»ги Қонунда илк маротаба «географик кўрсаткич» тушунчаси акс эттирилган.

Товарни муайян географик объект ҳудудидан келиб чиққан товар сифатида идентификацияловчи белги географик кўрсаткич деб эътироф этилиб, унда товарнинг сифати, ном қозонганлиги ёки бошқа хусусиятлари унинг географик жиҳатдан келиб чиқишига сезиларли даражада боғлиқ бўлади.

Географик кўрсаткич, ишлаб чиқарилаётган товарни белгилаш учун номи қўлланиладиган мазкур географик объектда жойлашган бир нечта юридик ёки жисмоний шахсларнинг талабномасига биноан рўйхатдан ўтказилиши мумкинлиги, бошқа манфаатдор шахслар бўлмаган тақдирда битта юридик ёки жисмоний шахс томонидан рўйхатдан ўтказишга доир талабнома бериш мумкинлиги белгиланмоқда.

Мазкур қонун ўзининг ноёб маҳсулоти учун белгини рўйхатдан ўтказишни хоҳловчи ишлаб чиқарувчилар сони кўпайишига, энг асосийсиси минтақавий брендларни ривожлантиришга хизмат қилади.

Бу эса, ишлаб чиқарувчиларнинг географик кўрсаткич билан ҳимояланадиган қўшимча қийматга эга ўз маҳсулотининг маҳаллий ва хорижий бозорларга чиқишига имкон яратади.

Қолаверса, ҳудудларга туристик оқимининг кўпайиши, «гастрономик туризм»нинг ривожланиши ҳамда ҳудудларнинг туристик жозибадорлигининг ошиши айнан мазкур қонун билан боғлиқлиги сенаторлар томонидан эътироф этилди.

Олдиндаги кун омадли келсин. Kommers.uz энг қайноқ янгиликларни ишончли тарзда етказишда давом этади.

ШҲТ давлатлари ўртасида туризм соҳасидаги ҳамкорликни ривожлантириш тўғрисида битим имзоланди
Янгиликлар 17:19 | 20.9.22
ШҲТ давлатлари ўртасида туризм соҳасидаги ҳамкорликни ривожлантириш тўғрисида битим имзоланди
Сенат «Электрон тижорат тўғрисида»ги қонунни маъқуллади
Технология 16:30 | 13.9.22
Сенат «Электрон тижорат тўғрисида»ги қонунни маъқуллади
Ўзбекистонда крипто-дўкон фаолияти қандай амалга оширилади?
Бизнес 15:04 | 13.9.22
Ўзбекистонда крипто-дўкон фаолияти қандай амалга оширилади?
Twitter акциядорлари компанияни Маск сотиб олишига рози — ОАВ
Миллиардерлар 13:50 | 13.9.22
Twitter акциядорлари компанияни Маск сотиб олишига рози — ОАВ
Тошкент халқаро аэропортида расмий такси хизмати иш бошлади
Янгиликлар 11:51 | 13.9.22
Тошкент халқаро аэропортида расмий такси хизмати иш бошлади
Ҳудудлар қишлоқ хўжалигида техник самарадорлик қай даражада?
Бизнес, Таҳлил 9:13 | 13.9.22
Ҳудудлар қишлоқ хўжалигида техник самарадорлик қай даражада?