Рейтинг. Ўзбекистон энг кўп оёқ кийим экспорт қилаётган 6 та давлат
Энг кўп оёқ кийим экспорт қилган ҳудудлар орасида Андижон вилояти 2 миллион жуфт оёқ кийим билан етакчилик қилмоқда.
Ўзбекистон январь-февраль ойларида 12 та давлатга оёқ кийим экспорт қилган. Бу ҳақда Давлат статистика қўмитаси маълумот берди.
Қайд этилишича, Ўзбекистон 2022 йилнинг январь-февраль ойларида 12 та хорижий давлатларга қиймати 5,5 миллион долларга тенг бўлган 3,5 миллион жуфт оёқ кийим экспорт қилган.
Оёқ кийимлар экспорти ҳажми 2021 йилнинг мос даври билан солиштирилганда 990 639 жуфтга камайган.
2022 йилнинг январь-февраль ойларида Ўзбекистон энг кўп оёқ кийим экспорт қилган давлатлар:
- Қирғизистон — 2,5 миллион жуфт;
- Тожикистон — 598 246 жуфт;
- Қозоғистон — 291 345 жуфт;
- Россия — 77 373 жуфт;
- Молдова — 26 896 жуфт;
- Грузия — 10 836 жуфт.
Йилнинг дастлабки икки ойида хорижий давлатларга энг кўп оёқ кийим экспорт қилган ҳудудлар орасида Андижон вилояти 2 миллион жуфт оёқ кийим билан етакчилик қилмоқда.
Аввалроқ Ўзбекистонда дунёнинг машҳур H&M (Швеция), ZARA (Испания), LC Waikiki (Туркия), PUMA (Германия), Reebok (Буюк Британия), Uniqlo (Япония) каби брендлари ҳамкорлигида экспортбоп маҳсулотлар ишлаб чиқариш йўлга қўйилиши ҳақида хабар берилганди.