Ўзбекистон уч ойда 700 минг 283 дона телефон импорт қилган. Бу ҳақда Давлат статистика қўмитаси маълумот берди.

Қайд этилишича, Ўзбекистон 2022 йилнинг январь-март ойларида хориждан қиймати 49,9 миллион долларга тенг бўлган 700 283 дона мобил телефон импорт қилган.

Телефон импорти 2021 йилнинг мос даврига нисбатан солиштирилганда 260 878 донага ошган. Мамлакат 9 та давлатдан мобил телефонлар импорт қилган. 

Ўзбекистон 3 ой мобайнида мобил телефонларни энг кўп импорт қилган давлатлар:

1. Хитой — 533 704 дона;
2. Вьетнам — 92 639 дона;
3. Ҳиндистон — 36 698 дона;
4. БАА — 33 620 дона;
5. Қозоғистон — 3518 дона;
6. Жанубий Корея — 86 дона.

Ойлар кесимида телефон импорти:

• январь ойида — 129 766 дона;
• февраль ойида — 284 461 дона;
• март ойида — 286 056 дона.

Аввалроқ Ўзбекистон январь ойида 129 минг 766 дона телефон импорт қилгани ҳақида маълумот берилганди.