Samsung компанияси Bespoke номли маиший техниканинг янги оиласини эълон қилди. Унинг таркибига экран ва овозли ёрдамчига эга музлаткич киради. Бу ҳақда «Коммерсантъ» хабар берди.

Қайд этилишича, янги Bespoke French Door музлаткичи бозорга уч ва тўрт эшикли, турли рангдаги шиша ва пўлат панеллари, 21,5 дюймли экран билан чиқади. Дисплей Samsung TV Plus стриминг платформаси ва уйни ақлли бошқариш SmartThings хизматини қўллаб-қувватлайди.

Шунингдек, совуткич маҳсулот ёрлиқларини сканерловчи View Inside функцияси, шунингдек Amazon Alexa овозли ёрдамчиси билан жиҳозланган.

Samsung Bespoke уй анжомлари қаторига 99,99 фоизгача майда чангни тортиб олиш қобилиятига эга симсиз Bespoke Jet чангютгичи ҳам киради. Бундан ташқари, компания оптимал ювиш ва қуритиш усулини танлаш учун AI OptiWash билан жиҳозланган Bespoke Washer and Dryer кир ювиш машинаси намойиш этади.

Янги Samsung Bespoke технологиялар оиласининг расмий премьераси 2022 йил январь ойида Лас-Вегасдаги CES Consumer Electronics Show кўргазмасида бўлиб ўтади.

Аввалроқ LG компанияси квадрат мониторни тақдим этгани хабар қилинганди.