Тошкент шаҳрида 15–19 ноябрь кунлари Халқаро аёллар бизнес ҳафталиги бўлиб ўтади. Бу ҳақда Ўзбекистон банклари ассоциацияси матбуот хизмати хабар берди.

Қайд этилишича, мазкур ҳафталик «Тадбиркор аёл» Ўзбекистон ишбилармон аёллар ассоциацияси ташаббуси билан Ўзбекистон банклари Ассоциацияси ҳамкорлигида ўтказилмоқда.

Маълум қилинишича, ҳафталик дастурдан бир қанча тадбирлар ўрин олган. Жумладан, халқаро ва маҳаллий мутахассислар иштирокидаги семинар тренинглар, давра суҳбатлари бўлиб ўтади.

Шунингдек, АҚШ ва Европа ишбилармон аёлларининг онлайн чиқишлари ўрин олган. Бу шубасиз ўзаро тажриба алмашиш, янги ғоялар манбаи бўлиб хизмат қилиши мумкин. Ҳафталикнинг якунида 19 ноябрь куни «Анор» кўрик танловининг республика босқичи бўлиб ўтади.

Аввалроқ Тошкентда МДҲ давлатларининг II Халқаро банк-молия форуми бўлиб ўтиши ҳақида хабар берилганди.