Uzbekistan Airways авиачипта бронлаш ва сотиш хизматларини вақтинча тўхтатади
Техник ишлар авиакомпаниянинг ички ва ташқи сотув тизимига ҳам таъсир қилади
Uzbekistan Airways бронлаш ва сотиш тизимини модернизация қилиш бўйича техник ишларни олиб бормоқда. Бу ҳақда компания матбуот хизмати хабар берди.
Қайд этилишича, Uzbekistan Airways томонидан авиачипталарни бронь қилиш ва сотиш тизими провайдерининг ўзгариши бўйича техник ишлар ўтказилади. Шу сабабли Тошкент вақти билан 3 ноябрь 18:00 дан 4 ноябрь 06:00 гача авиачипталарни бронь қилиш, сотиш ва авиакомпаниянинг қўшимча хизматлари фаолияти вақтинча тўхтатилади.
⠀
Хабарга кўра, режалаштирилган техник ишлар авиакомпаниянинг ички ва ташқи сотув тизимига ҳам таъсир қилади. Шунингдек, компания келтириладиган ноқулайликлар учун узр сўраган.
Аввалроқ Тошкент аэропорти ўз тарихида биринчи марта расмий споттинг ўтказгани ҳақида хабар берилганди. Шунингдек, Малайзия авиакомпанияси Ўзбекистондаги аэропортларга қизиқиш билдиргани маълум бўлди.
