Xiaomi компанияси учта моделдан иборат янги смартфонлар «оила»си — Xiaomi 12, 12 Pro ва 12X моделларини намойиш этди.

Хитойда биринчи бўлиб пайдо бўладиган янги смартфонлар 2022 йил январь ойида MIUI 13 версиясига янгиланадиган MIUI 12.5 тизими билан сотувга чиқарилади. Смартфонларнинг бошқа бозорларга чиқарилиш санаси маълум эмас.

Янги «оила»нинг асосий қурилмаси Xiaomi 12 бўлиб, 6,28 дюймли Full HD+ AMOLED дисплей ва 120 герцгача янгиланиш тезлигига эга. Смартфон Qualcomm’дан сўнгги Snapdragon 8 Gen 1 процессори, 8 ёки 12 GB тезкор хотира ва 128 ёки 256 GB ички хотирани олди.

Янги модель Full HD видеони қўллаб-қувватлайдиган 32 мегапикселли олд камера билан жиҳозланган. Асосий модул эса 8К видео ёзувга эга 50 мегапикселли объектив, 13 мегапикселли кенг бурчакли объектив ва 5 мегапикселли макрообъективни ўз ичига олади.

4500 mAh батарея 67 Vt тез зарядлашни ва 10 Vt симсиз зарядлашни қўллаб-қувватлайди. Xiaomi 12Х смартфони Xiaomi 12 моделини деярли тўлиқ такрорлайди. Фақатгина Х версиясида Snapdragon 870 процессоридан фойдаланилган. Шунингдек, соддалаштирилган камералар ва симсиз ва тескари зарядлашнинг йўқлиги билан фарқ қилади.

Тизимнинг флагмани Xiaomi 12 Pro бўлиб, у WQHD+ 6,73 дюймли эгри AMOLED дисплейга эга. Процессор, оператив хотира ва ички хотира ҳажми Xiaomi 12 каби.