Apple компанияси 2008 йилда App Store ишга туширилгандан бери бутун дунё бўйлаб иловалар ишлаб чиқувчиларга 260 миллиард доллар тўлаганини таъкидлади. Шундан 60 миллиард доллари 2021 йилда тўланган.

Bloomberg’нинг қайд этишича, 2021 йил компания ишлаб чиқувчилар билан суд жараёнига киришганига қарамай, App Store дўкони учун рентабеллик бўйича рекорд йил бўлди. Гап Fortnite Epic Games ўйин ишлаб чиқарувчисининг даъволари ҳақида кетмоқда.

Компаниянинг маълум қилинишича, Рождество арафаси ва Янги йил арафаси ўртасидаги иловалар дўконидаги сотувлар 2021 йилнинг шу даврига нисбатан икки рақамга ўсди. 

«Apple 745 миллиондан ортиқ пуллик обуналар билан глобал дастурчилар, рассомлар ва бошқа контент яратувчиларни ҳар куни ҳаётларини бойитадиган кучли воситалар, контент ва тажрибалар билан таъминлаб, миллиарддан ортиқ қурилмаларда фойдаланувчилар билан боғлашда давом этмоқда», — дейди Apple компаниясининг хизматлар бўйича катта вице-президенти Эдди Кью.

Маълумки, Apple ишлаб чиқувчилардан даромад миқдорига қараб ё 15 фоиз ёки 30 фоиз олади.