Тошкентдан Россиянинг Минеральние Води шаҳрига қўшимча авиақатновлар йўлга қўйилади. Бу ҳақда Uzbekistan Airways матбуот хизмати хабар берди.

Маълум қилинишича, 2022 йил 27 февралдан бошлаб йўловчилар орасида талаб ортиши муносабати билан Uzbekistan Airways авиакомпанияси томонидан якшанба кунлари Тошкент–Минеральние Води–Тошкент йўналиши бўйича қўшимча авиақатновлар йўлга қўйилади.

Қайд этилишича, парвозлар қуйидаги жадвал асосида амалга оширилади:

• Тошкентдан учиш: 04:00 (Тошкент вақти билан);
• Минеральние Водига етиб бориш: 05:30 (Москва вақти билан);
• Минеральние Водидан учиш: 07:00 (Москва вақти билан);
• Тошкентга етиб бориш: 12:00 (Тошкент вақти билан).

Тошкент–Минеральние Води йўналишида авиачипта 4 миллион 172 минг 794 сўмдан, Тошкент–Минеральние Води–Тошкент йўналишидаги авиачипталар эса 5 миллион 280 минг 468 сўмдан бошланади. Нархлар 25 февраль ҳолатига кўра амал қилади.

Аввалроқ Uzbekistan Airways Москвага қўшимча авиақатновларни йўлга қўйиши хабар қилинганди. Шунингдек, Шавкат Мирзиёев Тошкент–Мўйноқ–Нукус авиақатнови йўлга қўйилишини айтгани ҳақида хабар берилди.