Тошкентдан Россиянинг Екатеринбург шаҳрига қўшимча авиақатновлар амалга оширилади. Бу ҳақда Uzbekistan Airways матбуот хизмати хабар берди.

Маълум қилинишича, 2022 йил 13 ва 20 мартда Uzbekistan Airways авиакомпанияси томонидан Тошкент–Екатеринбург–Тошкент йўналиши бўйича қўшимча авиақатновлар амалга оширилади.

Қайд этилишича, парвозлар қуйидаги жадвалга асосан амалга оширилади:

• Тошкентдан учиш: 19:00 (Тошкент вақти билан);
• Екатеринбургга етиб бориш: 22:00 (Екатеринбург вақти билан);
• Екатеринбургдан учиш: 23:40 (Екатеринбург вақти билан);
• Тошкентга етиб бориш: 02:30 (Тошкент вақти билан).

Тошкент–Екатеринбург йўналиши бўйича авиачипта нархи 2 миллион 593 минг 810 сўмдан (багажсиз) ва 2 миллион 966 минг 363 сўмдан (багаж билан); Екатеринбург–Тошкент йўналиши бўйича эса 25 минг 429 рублдан (багажсиз) ва 29 минг 409 рублдан (багаж билан) бошланади. Нархлар 5 март ҳолатига кўра амал қилади.

Аввалроқ Тошкентдан Россиянинг яна бир шаҳрига қўшимча авиақатновлар йўлга қўйилиши хабар қилинганди. Шунингдек, Россиянинг «Аэрофлот» компанияси барча халқаро рейсларни вақтинча тўхтатиши ҳақида хабар берилди.