Ноябрь ойида Покистон пиёзни асосан Ўзбекистондан импорт қилмоқда. Бу ҳақда EasyFruit хабар берди.

Қайд этилишича, август ойидан бошлаб Покистонда  сув тошқинлари оқибатида маҳаллий экинларнинг катта нобуд бўлиши сабабли мамлакат ўзбек пиёзини импорт қила бошлади. Агар август ва сентябрь ойларида Ўзбекистондан Покистонга пиёз жўнатишнинг ойлик ҳажми уч минг тоннадан ошмаган бўлса, октябрь ойида бу ҳажмлар аввалги икки ойга нисбатан бир неча баробар ошди.

2022 йил ноябрь ойида Покистон ҳам ўзбек пиёзининг асосий харидори бўлиб қолди. Дастлабки расмий статистик маълумотларга кўра, 2022 йил ноябрь ойида Ўзбекистон 10,4 минг тонна янги пиёз экспорт қилган ва бу ҳажмнинг 96 фоизи Покистонга тўғри келади.

Маълумотга кўра, 2022 йилнинг августидан ноябригача Покистоннинг ўзбек пиёзининг умумий экспортидаги улуши ойдан ойга ошди: августда – 70 фоиз, центябрда – 79 фоиз, октябрда – 87 фоиз, ноябрда эса – 96 фоиз. !

Шунингдек, октябрь ойида Ўзбекистондан Ироққа ушбу маҳсулотлар экспорти ҳажми 560 тоннани (умумий экспортнинг 5 фоизини), ноябрда эса 140 тоннага яқинни (1 фоиз) ташкил этди. Ноябрь ойида Ўзбекистон Афғонистонга салкам 200 тонна пиёз жўнатди, бу жорий ойдаги умумий экспорт ҳажмининг 2 фоизини ташкил этади.

Умуман олганда, ноябрь ойида Ўзбекистондан пиёз экспорти географиясига эътибор қаратадиган бўлсак, бу маҳсулотларнинг 99 фоизи уч давлат – Покистон, Ироқ ва Афғонистонга жўнатилган. Қолган 100 тоннага яқини Қозоғистон (89 тонна) ва Қирғизистонга (11 тонна) тўғри келди.