Франция Microsoft’ни 60 млн еврога жаримага тортди
Компания Bing қидирув тизимидаги фойдаланувчи маълумотларини уларнинг розилигисиз сақлаб келаётгани маълум бўлган
Франция ҳукумати Microsoft компаниясига Bing қидирув тизимидаги фойдаланувчи маълумотларини йиғиш сиёсати учун 60 миллион еавро миқдорида жарима белгилади. Бу ҳақда France 24 хабар берди.
Қайд этилишича, Франция регулятори текширувлардан сўнг фойдаланувчилар Bing сайтида кирганида «cookie» файллар уларнинг терминалида фойдаланувчи розилигисиз сақланиб қолаётгани ва бундан асосан реклама йўлида ишлатилгани маълум бўлди.
2022 йилнинг бошида АҚШнинг бошқа технология гигантлари ҳам «cookie» сиёсатини бузгани учун Францияда жаримага тортилди. Қоидабузарликлар учун Google ва Facebook компаниялари мос равишда 150 млн евро ва 60 млн евро миқдорида жаримага тортилганди.
«Биз CNIL билан тўлиқ ҳамкорлик қилдик ва ‘cookie’-файллар амалиётимизга асосий ўзгаришлар киритдик», — дейилади Microsoft баёнотида.
