Apple ва Tesla акциялари тушиб кетди
Икки компаниянинг акциялари сармоядорларнинг Хитойдан бутловчи қисмлар етказиб бериш билан боғлиқ муаммолардан хавотирга тушиши сабаб кескин тушиб кетган
Американинг икки машҳур компаниялари — Apple ва Tesla акциялари сармоядорларининг Хитойдан бутловчи қисмларни етказиб бериш билан боғлиқ хавотирлари сабаб кескин тушиб кетди. Бу ҳақда BBC хабар берди.
Хабарда айтилишича, Apple акцияларининг нархи 130 долларгача тушиб кетди, бу 2021 йил июнидан бери энг паст даражадир. Тesla акциялари нархи 109 долларгача тушиб кетган, бу компаниянинг 2021 йил ноябридаги рекорд даражасидан 73 фоизга камайган.
Хитойда ковидга оид чекловлар ва бир неча ҳафталик локдаунлар сабаб компаниялар мамлакатда ишлаб чиқаришни сақлаб қолишга уринишди. Аммо барча чекловлар олиб ташланганидан кейин Apple ва Tesla кадрлар инқирозига дуч келмоқда.
Аввалроқ Tesla’нинг Шанхайдаги заводи ковидлар кўпайгани фонида ишлаб чиқаришни қисқартирганди. Аммо таҳлилчиларнинг фикрича, бу ковид билан боғлиқ эмаслиги, компания электромобилларига эҳтиёж камайганини маълум қилганди.
