Буюк Британия Россиядан суюлтирилган табиий газ импортини тўхтатди
Декабрь ойида Лондон ва Вашингтон Россиядан глобал энергияга қарамликни камайтириш бўйича келишувга эришди. 2021 йилда Россиядан газ етказиб бериш мамлакат истеъмол қиладиган ёнилғининг 4 фоизини ташкил этган
Буюк Британия Россиядан суюлтирилган табиий газ (СТГ) импортини тўхтатди. Бу ҳақда мамлакат Ташқи ишлар вазирлиги хабар берди.
Хабарда айтилишича, бу Россиянинг ҳарбий ҳаракатларни молиялаштириш имкониятларини чеклаш мақсадида шу қарорга келинган. Лондон 2022 йил октябр ойида Россиядан СТГ сотиб олишни тўхтатганини эълон қилган. 2021 йилда Россиядан газ етказиб бериш мамлакат истеъмол қиладиган ёнилғининг 4 фоизини ташкил этди; СТГ шаклида Буюк Британия умумий газга бўлган эҳтиёжнинг тахминан 17 фоизини олган.
Британия ташқи ишлар вазирлиги бошқа давлатларга Россия энергия ташувчиларга қарамлигини камайтиришга ҳам ёрдам бериш ниятида эканини қайд этди. 2022 йил декабрь ойида Лондон ва Вашингтон «Россияга глобал энергетика қарамлигини камайтириш»га қаратилган янги энергия ҳамкорлигига киришган.
Шу билан бирга, 29 ноябрь куни Британиянинг The Financial Times (FT) газетаси ЕИ давлатлари Россиядан СТГ етказиб бериш ҳажмини оширганини хабар қилди. ГГазетанинг ёзишича, жорий йилнинг биринчи ўн ойида ЕИ ўтган йилнинг шу даврига нисбатан Россиядан 42 фоизга кўп СТГ сотиб олган. Ҳаммаси бўлиб 17,8 млрд куб метр СТГ сотиб олинди, деярли бутун ҳажм Франция, Бельгия, Испания ва Нидерландияга мўлжалланган.
