Bayraktar 2022 йилда 1,18 млрд долларлик маҳсулот экспорт қилди
Туркиянинг етакчи учувчисиз самолёт ишлаб чиқарувчиларидан бири Baykar компанияси бош директори Селжуқ Байроқтор маълум қилишича, компания даромадининг 99,3 фоизи экспорт ҳисобидан шакллантирилган
Туркиянинг етакчи учувчисиз самолёт ишлаб чиқарувчиларидан бири Bayraktar 2022 йилни 1,18 млрд долларлик экспорт кўрсаткичи билан якунлади.
Baykar компанияси бош директори Селжуқ Байроқтор маълум қилишича, ўтган бир ичида 18 та давлат билан экспорт шартномалари имзоланган. Шунингдек, Baykar İHA линиясига қизиқиш билдирган давлатлар сонининг 27 тага етганини маълум қилинган.
Шу билан бирга, компания даромадининг тахминан 99,3 фоизини экспортдан олган.
«Маҳаллий технологияларга асосланган ишланмалар туфайли компаниямиз дронлари бугунги кунда дунёдаги энг яхшилари қаторига киради. Bayraktar Kizilelma учувчисиз ҳарбий самолёт ишлаб чиқиш лойиҳаси ҳам экспорт даромадлари туфайли давом этмоқда. Биз Туркия ривожига қўшган ҳиссамиздан фахрланамиз!», — дейилади хабарда.
Маълумот учун, Kizilelma — MIUS жанговар учувчисиз самолётлар комплекси лойиҳаси доирасида яратилган, товушдан тез учувчи қирувчи самолётдир.
