Самарқанд шаҳри дунё танийдиган мегаполисга, халқаро туризм ва бизнес марказига айлантирилади. Бу жамоатчилик муҳокамасига қўйилган 2023 йилги давлат дастури лойиҳасида кўзда тутилган.

Унга кўра, Шанхай ҳамкорлик ташкилоти (ШҲТ)га аъзо давлатлар элчилари билан сайёҳларни олиб келиш чоралари кўрилади.

Бунда:

• Қирғизистондан — 176 минг;
• Қозоғистондан — 190 минг;
• Покистондан — 29,4 минг;
• Россиядан — 88,2 минг;
• Тожикистондан — 176 минг;
• Ҳиндистондан — 22 минг;
• Хитойдан — 15 мингга яқин;
• Эрондан 22 минг нафар сайёҳлар жалб қилинади.

Шунингдек, Самарқанд шаҳар Беруний кўчаси 1-уйда жойлашган маданий мерос объекти қайта таъмирланиб, унинг негизида «Ипак йўли» санъат галереяси ташкил этилади. Самарқанд шаҳар Маҳмуд Қошғарий кўчаси 85А уйда жойлашган маданий мерос объекти реконструкция қилиниб, унинг негизида «Арт резиденция» ташкил қилинади.

давлат дастури лойиҳасига кўра, Самарқанд вилояти ҳокимлиги, Ташқи ишлар вазирлиги, Маданият ва туризм вазирлиги, Транспорт вазирлиги, Қурилиш ва уй-жой коммунал хизмат вазирлиги топшириқлар ижроси учун масъул этиб белгиланган.