«Xitoy — Qirg’iziston — O’zbekiston» temir yo’li loyihasi uchun O’zbekiston 255 mln dollar ajratadi
"Xitoy — Qirg‘iziston — O‘zbekiston" temir yo‘li qo'shma loyihasi ustav fondidagi O‘zbekiston hukumati ulushining bir qismi Tiklanish va taraqqiyot jamg‘armasi hamda boshqa manbalar hisobidan bosqichma-bosqich shakllantiriladi. Shu sababli “Oʻzbekiston temir yoʻllari” AJga 15 yil muddatga yillik 5 foizlik stavkada, 255 mln dollar ajratiladi. Xususan, 2024-yilning o'zida 14 mln dollar miqdorida mablag'lar yo'naltiriladi.
«Xitoy — Qirg‘iziston — O‘zbekiston» temir yo‘li loyihasini birgalikda amalga oshirish bo’yicha uch mamlakat o’rtasida bitim imzolandi. Ushbu temir yo‘l qurilishi bo‘yicha qo‘shma loyiha kompaniyasining ustav fondidagi O‘zbekiston hukumati ulushining bir qismini shakllantirish uchun Tiklanish va taraqqiyot jamg‘armasi hamda boshqa manbalar hisobidan 255 mln dollar “Oʻzbekiston temir yoʻllari” AJga ajratiladi.
8-iyul kuni “Xalqaro shartnomani tasdiqlash to‘g‘risida”gi prezident qarori (PQ-247-son) qabul qilindi. Bu haqda “Huquqiy axborot” Telegram kanalida xabar qilindi.
Qarorga ko‘ra, Xitoy hukumati, Qirg‘iziston Vazirlar Mahkamasi va O‘zbekiston hukumati o‘rtasida «Xitoy — Qirg‘iziston — O‘zbekiston» temir yo‘li loyihasini birgalikda amalga oshirishda hamkorlik qilish to‘g‘risidagi bitim tasdiqlandi.
Ushbu temir yo‘l qurilishi bo‘yicha qo‘shma loyiha kompaniyasining ustav fondidagi O‘zbekiston hukumati ulushining bir qismi Tiklanish va taraqqiyot jamg‘armasi hamda boshqa manbalar hisobidan bosqichma-bosqich shakllantiriladi. Shu sababli “Oʻzbekiston temir yoʻllari” AJga 15 yil muddatga yillik 5 foizlik stavkada, 255 mln dollar ajratiladi. Xususan, 2024-yilning o’zida 14 mln dollar miqdorida mablag’lar yo’naltiriladi.
Avvalroq, Qirg’iziston prezidenti Sadir Japarov ushbu temir yo’lni boshqaruvchi kompaniya vakolatxonasi Bishkekda bo’lishini hamda kompaniya bosh direktori ham Qirg’iziston tomonidan tayinlanishini aytgandi. Shuningdek, u temir yo’l qurilishi xarajatlarining 51 foizini Xitoy, qolgan 49 foizni ‘sa O’zbekiston va Qirg’iziston tomonlari teng miqdorda 24,5 foizdan qoplashini ta’kidlagandi.
Temir yo’l qurilishi bo’yicha bitim 2024-yil 6-iyun kuni Pekin shahrida imzolangan. Mutaxassislarning qayd etishicha, mazkur temir yo’l qurilishi natijasida yuk tashish yillik hajmi 15 mln tonnagacha yetishi mumkin, tovarlarni yakuniy iste’molchilarga yetkazish muddati esa 7 kunga qisqaradi. Bundan tashqari, zamonaviy tranzit va logistika infratuzilmasi, omborxonalar va terminallar yaratiladi.
“Avvalo, yangi korxonalar va o‘n minglab ish o‘rinlari yaratiladi, o‘zaro tovar ayriboshlash hajmi va sanoat kooperatsiyasi ko‘lami, investitsion jozibadorlik o‘sadi va asosiy natija — fuqarolarimizning turmush darajasi oshadi”, — degandi prezident Shavkat Mirziyoyev.
