Iqtisodiyot va moliya vazirligi ma’lumotlariga ko‘ra, kartoshka narxi eng kam 3000 so‘mdan 3500 so‘mga, eng ko‘p 5000 so‘mdan 6200 so‘mga ko‘tarildi. Bodring narxi esa keskin oshib, eng arzon narxi 10 000 so‘mdan 22 000 so‘mga, eng qimmat narxi esa 18 000 so‘mdan 40 000 so‘mga yetdi. Limonning eng past narxi 10 000 so‘mdan 15 000 so‘mga, eng yuqori narxi esa 14 000 so‘mdan 50 000 so‘mga ko‘tarilgan.

Shuningdek, qovun narxida ham o‘zgarishlar sodir bo‘ldi. Qovunning eng arzon narxi 20 000 so‘mdan 25 000 so‘mga, eng qimmat narxi esa 35 000 so‘mdan 40 000 so‘mga oshdi. Mandarin narxida esa pasayish kuzatilgan, uning eng past narxi 20 000 so‘mdan 12 000 so‘mga tushdi, eng yuqori narxi esa 28 000 so‘mdan 30 000 so‘mga ozroq ko‘tarilgan.