Февраль ойида Ўзбекистонда истеъмол нархлари индекси 0,54 фоизга ўсди. Бу ҳақда Статистика агентлиги хабар берди. Кўрсаткич 2023 йилдан буён йилнинг иккинчи ойи учун энг юқори даражага етди. Таққослаш учун, 2024 йилнинг февраль ойида нархлар бир ойда 0,32 фоизга ошган.

Йиллик инфляция 10,13 фоизни ташкил этди. Ўтган йилга нисбатан 1,78 фоиз пунктга кўтарилган бўлсада, ўсиш суръати 12,23 фоизга етган 2023 йилга нисбатан сезиларли даражада пасайган.

Февраль ойида озиқ-овқат маҳсулотлари нархлари 0,6 фоизга, йил бошидан бери эса 1,4 фоизга ошди. Йиллик озиқ-овқат инфляцияси тезлашди ва 2,9 фоизни ташкил этди — бу охирги беш йилдаги минимумдир.

Ўтган ой давомида сабзавотлар бирданига 5,4 фоизга, гўшт маҳсулотлари — 2,1 фоизга қимматлашди. Шу билан бирга, буғдой уни (-5 фоиз), гуруч (-3,9 фоиз) ва сут маҳсулотлари (-2,4 фоиз), айниқса, тухум (-12 фоиз) арзонлашди. Бундан ташқари, балиқ ва денгиз маҳсулотлари (+0,7 фоиз), ёғ-мой, тайёр маҳсулотлари (+0,4 фоиз) ва алкоголсиз ичимликлар (+0,3 фоиз) қимматлашди.

Шунингдек, помидор 30 фоизга, карам ва бодринг 17 фоиздан ортиққа қимматлашган. Булғор қалампири (+9,2 фоиз), лимонлар (+4,1 фоиз) ва бақлажон (+4 фоиз) нархларида ҳам ошган, картошка эса 14 фоизга, банан бўлса 4 фоизга арзонлашди.

Пуллик хизматлар нархларининг ойлик ўсиш суръати 2021 йилдан буён энг юқори кўрсаткичга — 1,1 фоизга етди. Февраль ойида йиллик кўрсаткич бўйича ўсиш суръати 27, 1 фоизгача тезлашди, бироқ бу ўтган йилга нисбатан сезиларли даражада юқорилигича қолмоқда. Бу биринчи навбатда энергия тарифларининг баҳорда оширилгани билан боғлиқ.

Умумий овқатланиш нархлари бир ойда 0,6 фоизга, меҳмонхоналарда 0,1 фоизга ошди, йиллик ўсиш мос равишда 12 фоиз ва 10,3 фоизни ташкил этди. Февраль ойида уй-жой ижараси 0,5 фоизга, йиллик кўрсаткичда эса 13,5 фоизга қимматлашди. Поезд чипталари нархи 4,5 фоизга (йил давомида 18,6 фоиз), автотранспорт хизматлари 0,9 фоизга (12,1 фоиз) ошди, авиачипталар эса 22,4 фоизга ошди.