Европа Иттифоқида 2024 йилда ўртача соатбай иш ҳақи 33,5 еврони ташкил этди — бу ундан олдинги йилга нисбатан 1,6 еврога кўп, деб хабар беради Euronews.

Евростат маълумотларига кўра, энг кам соатбай иш ҳақи Болгария (10,6 евро), Руминия (12,5 евро) ва Венгрияда (14,1 евро) қайд этилган.

Энг кўп ҳақ тўланадиган давлатлар қаторидан эса Люксембург (55,2 евро), Дания (50,1 евро) ва Белгия (48,2 евро) ўрин олган.

Меҳнат харажатларининг икки асосий таркибий қисми – бу иш ҳақи ва иш ҳақи билан боғлиқ бўлмаган харажатлар, масалан, иш берувчиларнинг ижтимоий бадаллари. Иш ҳақи билан боғлиқ бўлмаган харажатларнинг улуши Европа Иттифоқи иқтисодиётида 24,7 фоизни ташкил этган.

Европа Иттифоқида иш ҳақи бўйича энг юқори соатбай меҳнат харажатлари нодавлат нотижорат секторида (давлат бошқаруви бундан мустасно) қайд этилган — 34,2 евро. Энг паст кўрсаткич эса қурилиш соҳасида — 30 евро.

Бироқ Еврозонада бу тафовут янада сезиларли: энг юқори соатбай иш ҳақи саноат секторида қайд этилган (39,8 евро), энг паст кўрсаткич эса қурилиш соҳасида (33,4 евро).

2023-2024 йилларда иш ҳақи умумий иқтисодиёт бўйича Европа Иттифоқида 5 фоизга, Еврозонада эса 4,5 фоизга ошган. Еврозонадаги барча давлатларда иш ҳақи соатбай ҳисобда ошган.