Ўзбекистон банклари биринчи чорак якунлари бўйича ҳисоботларни тақдим эта бошлади.

Хусусан, Octobank чоракни 108 млрд 466 млн сўм соф фойда билан якунлади. Бу ўтган йилнинг шу даврида қайд этилган 21,8 миллиард сўмлик фойдага нисбатан 397,5 фоизга кўпдир.

“Туронбанк” чоракни 7 млрд 256 млн сўмлик соф фойда билан якунлади. Бу эса ўтган йилнинг мос даврида қайд этилган 11,7 миллиард сўмлик фойдадан 4,5 миллиард сўмга ёки 38,2 фоизга кам деганидир.

“Капиталбанк” чоракни 276 млрд 346 млн сўм соф фойда билан якунлади. Бу 2024 йилнинг мос даврига нисбатан 26,9% га камдир.

“Ҳамкорбанк” чоракни 393 млрд 409 млн сўм соф даромад билан якунлаган. Бу ўтган йилнинг мос даври билан солиштирганда 23,1 фоизга кўпроқдир.

Smartbank чоракни 628 млн 518 минг сўм соф фойда билан якунлади. Бу ўтган йилнинг мос даврига нисбатан 76,4 фоизга камроқдир.

Tengebank чоракни 920,9 млн сўм соф фойда билан якунлади. Бу ўтган йилнинг шу даврига нисбатан 112,6 фоизга кўпроқдир. Таққослаш учун, Tengebank 2024 йилнинг биринчи чорагини 7,3 млрд сўм зарар билан якунлаган.

Hayotbank чоракни 17,2 млрд сўмлик соф фойда билан якунлади. Бу натижа ўтган йилнинг шу даврида қайд этилган 11,2 млрд сўмлик зарар билан солиштирганда сезиларли ижобий ўзгаришни англатади. Банкнинг соф фойдаси бир йил ичида 253,7 фоизга ошган.

“Ўзмиллийбанк” чорак якунида 467,9 млрд сўм соф фойда қайд этган. Бу кўрсаткич ўтган йилнинг шу даврига нисбатан бироз (0,5 фоиз) юқоридир.

“Ўзсаноатқурилишбанк” чоракни 404 млрд сўм соф фойда билан якунлаган. Бу кўрсаткич ўтган йилнинг мос даврига нисбатан 18,9 фоизга ёки 64,2 млрд сўмга кўпайган.

“Трастбанк” 2025 йилнинг биринчи чорагини 200,8 млрд сўм соф фойда билан якунлади. Бу ўтган йилнинг мос даврига нисбатан 3,3 фоизга ёки 6,5 млрд сўмга кўпроқдир.

Apexbank чоракни 26,7 млрд сўм зарар билан якунлади. Молиявий ҳисоботларини эълон қилган банклар орасида ҳозирча Apexbank зарар қайд этган ягона банк ҳисобланади.