Олти ойда Ўзбекистон банклари қанча ишлаб топди?
2025 йилнинг январь—июнь ойлари якунига кўра, Ўзбекистондаги банкларнинг жами фойдаси 6,5 трлн сўмдан ортиқни ташкил этди. Бу ўтган йилнинг мос даврига нисбатан қарийб 18% кўпдир.
Spot банкларнинг биринчи ярим йилликдаги молиявий ҳисоботларини ўрганиб чиқди ва уларнинг аксарияти июль ойига ижобий натижа билан ўтганини аниқлади. Кўпгина банклар иккинчи чорак бўйича молиявий ҳисоботларини Корпоратив ахборот ягона порталида эълон қилган, қолганлари эса йўқ.
Кўплаб маҳаллий банклар давлат тасарруфида бўлиб, улар нафақат тижорат муассасалари сифатида, балки ривожланишга йўналтирилган ташкилотлар сифатида ҳам фаолият юритади. Бу уларнинг давлат томонидан сезиларли даражада қўллаб-қувватланишини билдиради, бу эса соф бозор шароитида уларнинг даромадлилигини холис баҳолашни қийинлаштиради.
Жорий йилнинг биринчи ярмида қуйидаги 9 та банк 300 млрд сўмдан юқори соф фойда билан энг даромадли бўлди:
- Ўзмиллийбанк — 1 трлн сўм;
- Ўзсаноатқурилишбанк — 808,6 млрд сўм;
- Ҳамкорбанк — 806,8 млрд сўм;
- Капиталбанк — 602,4 млрд сўм;
- Orient Finance bank — 523,5 млрд сўм;
- Ипак Йўли Банк — 485,1 млрд сўм;
- Трастбанк — 402,3 млрд сўм;
- Бизнесни ривожлантириш банки — 319,7 млрд сўм;
- KDB bank — 311 млрд сўм.
Навбатдаги 9 та банк 100 млрд сўмдан 300 млрд сўмгача фойда олган:
- Давр банк — 298 млрд сўм;
- Asia Alliance Bank — 236,9 млрд сўм;
- Алоқабанк — 207,5 млрд сўм;
- Octobank — 162,3 млрд сўм;
- Халқ банки — 154,6 млрд сўм;
- Universalbank — 145,1 млрд сўм;
- Infinbank — 136,9 млрд сўм;
- Anorbank — 102,2 млрд сўм;
- TBC Bank — 101 млрд сўм.
Навбатдаги 12 та банк эса 50 млрд сўмдан кам фойда кўрди:
- МКБанк (Микрокредитбанк) — 49 млрд сўм;
- Асакабанк — 47,4 млрд сўм;
- Агробанк — 35,3 млрд сўм;
- Uzumbank — 30,4 млрд сўм;
- Ziraatbank — 27,4 млрд сўм;
- Ҳаёт банк — 25,3 млрд сўм;
- Садерат Банк — 17,8 млрд сўм;
- Туронбанк — 14,6 млрд сўм;
- Пойтахт Банк — 11,2 млрд сўм;
- Mybank (илгарги Мадад Инвест Банк) — 7,6 млрд сўм;
- Tengebank — 3,8 млрд сўм;
- Smartbank — 2,4 млрд сўм.
Шунингдек, қуйидаги 6 та банк бу даврни зарар билан якунлаган:
- AVO bank — 1,75 млрд сўм;
- Garantbank — 9,7 млрд сўм;
- Евроосиё банки — 51,6 млрд сўм;
- Янги Банк — 55,6 млрд сўм;
- Apexbank — 62,4 млрд сўм;
- Ипотека-банк — 392,5 млрд сўм.
