2025 йил август ойи якунларига кўра, уй-жой олди-сотди шартномалари сони 25 мингтани ташкил этди ва ўтган ойга нисбатан 4,6 фоизга камайди, дея хабар берди Иқтисодий тадқиқотлар ва ислоҳотлар маркази.

Ҳудудлар кесимида энг кўп битимлар Сирдарё (34 фоиз), Хоразм (29 фоиз) ва Сурхондарё (27 фоиз) вилоятларида қайд этилган.

Иккиламчи уй-жой бозори

Ўзбекистоннинг иккиламчи уй-жой бозорида нархлар мўътадил динамикани кўрсатди. Июль ойида 1,7 фоизлик ошишдан сўнг, август ойида бир квадрат метр учун ўртача бозор нархи яна 1 фоизга кўтарилди. Йиллик ҳисобда эса иккиламчи бозордаги нархлар 4 фоизга ўсган.

Ҳудудлар даражасида ўтган йил август ойидан буён уй-жой нархларининг энг юқори ўсиши Жиззах (14 фоиз), Сурхондарё (17 фоиз) ва Сирдарё (10 фоиз) вилоятларида қайд этилган.

Тошкент шаҳрида кўчмас мулк бозоридаги вазият

Йиллик ҳисобда август ойида иккиламчи уй-жой бозорида ўртача нархлар 2,3 фоизга пасайди. Шу билан бирга, пойтахтда бирламчи уй-жой нархлари бир йил ичида мўътадил равишда 0,7 фоизга ошди.

Тошкент шаҳрида иккиламчи уй-жой бозорида нархлар 0,2%га ошди.

Иккиламчи уй-жой нархларларининг энг сезиларли пасайиши Мирзо Улуғбек (-6,3 фоиз), Яшнобод (-4,4 фоиз) ва Чилонзор (-4,6 фоиз) туманларида кузатилди. Шу билан бирга, янги қурилган уй-жойлар сегментида энг юқори нарх ўсиши Миробод (6,6 фоиз), Яккасарой (3,6 фоиз) ва Олмазор (2,6 фоиз) туманларида қайд этилган.