Ўзбекистонда электрон хизматлар кўрсатувчи 89 та хорижий компания 2026-йилнинг I чорагида 65,7 млрд сўм солиқ тўлади.

Солиқ қўмитаси маълумотларига кўра, бу 2025 йилга (36,2 млрд сўм) нисбатан 81 фоизга кўп. Хизматлар қиймати ҳам ошди. 2025 йилнинг уч ойида бу 306,6 млрд сўмни ташкил этган бўлса, 2026 йилнинг шу даврида 552 млрд сўмни ташкил этди.

Apple энг кўп солиқ тўлаган компания бўлди — 16,1 млрд сўм. Кейинги ўринда Google — 14,9 млрд сўм, Meta — 13,9 млрд сўм.

2024 йил январида  Ўзбекистон ҳудудида электрон хизматлар кўрсатувчи  55 та компания бўлган. 2025 йил январида бу кўрсаткич 63 тани ташкил этган, 2026 йил январига келиб улар сони 78 тага, апрель ойида эса 89 тага етган.

Қуйида электрон хизматлар кўрсатувчи топ 10 та хорижий компаниялар келтирилди:

• Apple — 16,1 млрд сўм;
• Google — 14,9 млрд сўм;
• Meta — 13,9 млрд сўм;
• Valve Corp. — 8 млрд сўм;
• OpenAI — 2,5 млрд сўм;
• Anthropic — 1,5 млрд сўм;
• Midasbuy — 1,3 млрд сўм;
• TikTok — 868,3 млн сўм;
• Вooking.сом — 694,7 млн сўм;
• Netflix — 570,4 млн сўм.

Электрон хизматлар кўрсатувчи чет эл юридик шахслари ўтган чоракдан кейинги ойнинг 20-кунидан кечиктирмай солиқ ҳисоботларини тақдим этади ва солиқларни тўлайди.