Volkswagen компанияси ID.5 серияли купе-кроссовер, шунингдек, ID.5 GTX’нинг «зарядланган» версиясини тақдим этди. Бу ҳақда «Коммерсантъ» нашри хабар берди.

Янги автомобиль концерн томонидан махсус электромобиллар учун ишлаб чиқилган MEB платформасида қурилган ва Volkswagen ID.4’дан фақатгина янги кузов дизайни билан фарқланади. D.5 ва ID.5 GTX рақамли асбоблар кластери ва 10,1 дюймли сенсорли экранга эга кўнгилочар тизим билан жиҳозланган. Уни қўшимча ҳақ эвазига 12 дюймли экранга алмаштириш мумкин.

Барча тугмалар сенсорли, автомобиль электр ойнасини бошқариш ва сигнал тугмаларидан ташқари, овозли буйруқларни ҳам таний олади. Мультимедиа кенгайтирилган реаллик функциясига эга. Бундан ташқари, кроссовер Travel Assist ҳайдовчи ёрдамчиларининг хусусий тўплами билан жиҳозланган.

Кроссовер купе олд ойнаси остидаги ёруғлик чизиғини ифодаловчи махсус ID. Light ёритгичига эга бўлди. Салон чарм ва синтетик ArtVelours материали билан безатилган, бу 20 фоиз қайта ишланган пластик бутилкалардан иборат.

Модель бозорга учта версияда чиқади: 174 от кучига эга ID.5 Pro ва 204 от кучига эга ID.5 Pro Performance орқа ғилдиракли узатма ва орқа аксга ўрнатилган электромоторга эга бўлади, 299 от кучига эга ID.5 GTX иккита электромотор ва тўлиқ ғилдиракли тортиш тизими билан жиҳозланган.

GTX версияси визуал равишда асосий электромобилдан янги бамперлар, олд томонида ишлайдиган чироқларнинг қўшимча қисмлари билан фарқ қилади. Энди ички қисмда қуюқ безак ва қизил безак мавжуд бўлади. Европада Volkswagen ID.5 ва Volkswagen ID.5 GTX сотуви 2022 йилнинг баҳорида бошланади. Электр купе-кроссоверларининг нархи ҳозирча эълон қилинмаган.

Аввалроқ Ford йўлтанламас Bronco’нинг пойга версиясини тақдим этганди.