Rolls-Royce кичик модулли, кам қувватли ядро реакторини (SMR) ишлаб чиқиш лойиҳасини молиялаштириш учун 455 миллион фунт стерлинг (617 миллион доллар) йиғди. Бу ҳақда Bloomberg нашри хабар берди.

Биринчи реактор 2030-йилларнинг бошида пайдо бўлиши мумкин. Rolls-Royce компаниясининг ҳисоб-китобларига кўра, Буюк Британияга 2030–2050 йиллар давомида эскирган атом электр станцияларини алмаштириш учун 16 та шундай қурилма керак бўлади.

«Бу Буюк Британия учун ҳар қачонгидан ҳам кўпроқ кам углеродли энергия олиш ва мамлакатнинг энергетик мустақиллигини таъминлаш учун ноёб имкониятдир», — дейди бизнес, энергетика ва саноат стратегияси вазири Квази Квартенг.

Буюк Британия ҳукумати уч йил давомида лойиҳага 210 миллион фунт стерлинг сармоя киритмоқда. Хусусий компаниялар, жумладан Rolls-Royce’нинг ўзи, BNF Resources ва Exelon Generation яна 245 фунт стерлинг ажратади.

Agency Partners таҳлилчиси Ник Каннингем SMR истиқболига унчалик ишонч ҳосил қилмаган.

«Буюк Британия реакторларни янги технология ва сиёсий ўзгаришлар билан алмаштирилишидан бир неча йил олдин қуради, бу Rolls-Royce инвесторларини илҳомлантириши даргумон», — дейди у.

Rolls-Royce янги лойиҳанинг тахминан 80 фоизига эгалик қилади. Reuters хабарига кўра, компания акциялари бу янгиликдан кейин 4 фоизга қимматлашган.

Аввалроқ Renault компанияси Kangoo E-Tech электр фургонини тақдим этганди.